Ezra 8:1 - Manobo Western Bukidnon OT

¹ Migkaǥi si Ezra te: Iyan heini pengulu te menge pemilya he miduma kediey pehendiyà te Jerusalem he ebpuun diyà te Babilonia, dutun te timpu te kedhadì ni Artaserkses:

Ezra 8:1 교차 참조

1 Cronica 24:31

Iring te mibeelan te menge kevuwazan ni Aaron, midripahan dan is kegketueni zan te menge ketengdanan dan, midripa is menge vetan-en wey menge meǥurang. Diyè dan heini veeli te etuvangan ni Hadì David, ni Zadok, ni Ahimelec, wey te menge pengulu te menge pemilya te menge memumuhat wey te menge Levihanen.

1 Cronica 26:32

Si Jeria ne zuen din 2,700 he menge kezuzumahi he zuen dan menge ketau wey menge pengulu sikandan te menge pemilya. Iyan sikandan impezumala ni Hadì David te menge kevuwazan ni Reuben, ni Gad, wey ketengà he tribu ni Manase. Ne iyan sikandan mid-atur te langun he vuluhaten te Megbevayà wey vuluhaten te hadì dutun he menge lugar.

1 Cronica 4:33

wey minsan diyà daan te menge nekelingut kandan he menge lugar taman te Baalat. Iyan heini menge lugar he menge ubpaan dan, ne intapid dan kes insurat he guǥud te kegkevuwad dan. Iyan heini duma pa he menge kevuwazan ni Simeon:

1 Cronica 9:1

Is langun he menge Israilihanen ne nelista ziyà te Libru he Midsuratan te menge Keguǥuza te menge Hadì te Israel. Is menge etew ziyà te Juda ne nengevihag te Babilonia tenged te kenè dan kebpezumazuma te Nengazen.

1 Cronica 9:34

Heini sikandan langun menge pengulu te menge pemilya zan he kevuwazan ni Levi. Nelista sikandan diyà te listahan te kegkevuwad dan. Ne ziyè dan med-ubpà te Jerusalem.

2 Cronica 26:12

Is menge peremandar te memetau he menge sundaru iyan is menge pengulu te menge pemilya he 2,600 langun.

Ezra 1:5

Duen menge Israilihanen he insavuk te Megbevayà diyà te gehinawa zan is suat te ked-ulì diyà te Jerusalem. Umbe nengandam sikandan te kedhendiyà su ebengunen dan is baley te Nengazen. Duma kandan is menge pengulu te menge pemilya te tribu ni Juda wey te tribu ni Benjamin, is menge memumuhat, wey is menge Levihanen.

Ezra 2:2

Is nengulu kandan dutun te ked-ulì dan, iyan ensi Zerubabel, Jeshua, Nehemias, Seraya, Reeleya, Mordecai, Bilshan, Mispar, Bigvai, Rehum, wey si Baanah. Iyan heini listahan te menge etew te Israel he nemen-ulì puun te kegkevihaǥa kandan:

Ezra 2:3

Mga Kevuwazan ni Parosh; 2,172 Shefatia; 372 Ara; 775 Pahat Moab (puun te menge pemilya ni Jeshua wey ni Joab); 2,812 Elam; 1,254 Zatu; 945 Zacai; 760 Bani; 642 Bebai; 623 Azgad; 1,222 Adonikam; 666 Bigvai; 2,056 Adin; 454 Ater (he egngezanan daan te Ezequias); 98 Bezai; 323 Jora; 112 Hashum; 223 Gibar; 95

Ezra 7:13

“Midsuǥù a he minsan hentei te menge Israilihanen kayi te ginhedian ku, ragkes en is menge memumuhat wey menge Levihanen, he egkesuat he eduma kenikew te ked-ulì diyà te Jerusalem egkehimu he eduma kenikew.

Ezra 7:28

Tenged te kebpurungi kediey te Nengazen, mibpurungan a te hadì wey te menge sumesambag din, ragkes en is langun he mekeǥeǥehem he menge upisyal zin. Ne ǥeina te edtevangan a te Nengazen he Megbevayè ku, neteǥuan a te kevurut te kedtiǥum te menge pengulu te Israel wey zan mekezuma kedì diyà te Jerusalem.

Ezra 7:7

Duen daan miduma kandin he menge Israilihanen dutun te ked-ulì din diyà te Jerusalem dutun te ikepitu he tuig te kedhadì ni Artaserkses. Ragkes te miduma kandin is menge memumuhat, menge Levihanen, menge perekanta, menge vantey te menge ǥemawan te valey te Nengazen, wey is menge suluǥuen dutun te valey te Nengazen.

Ezra 8:2

si Gershom, he ebpuun diyà te pemilya ni Finehas si Daniel, he ebpuun diyà te pemilya ni Itamar