Ezra 7:10 - Manobo Western Bukidnon OT

¹⁰ Midtevangan sikandin te Megbevayà su ǥeina te impehinungud din is keugelingen din pinaaǥi te ked-istudyu wey kedtuman te Kesuǥuan te Nengazen, wey kebpenurù te menge sulunuzen wey menge suǥù din diyà te menge Israilihanen.

Ezra 7:10 교차 참조

1 Cronica 29:18

“He Nengazen, he Megbevayà te menge kepuun dey he si Abraham, si Isaac, wey si Jacob, deyzey ke lelayun nu heini idtaǥù diyà te menge ǥehinawa te menge keet-etawan nu, wey tevangi nu sikandan he mebmepezumdumahan kenikew.

2 Cronica 12:14

Mibaal si Rehoboam te mezaat tenged te wazè din isipa is kedangep diyà te Nengazen.

2 Cronica 19:3

Piru zuen ded meupiya he naahà diyà te kenikew. Impepen-awè nu kayi te Juda is menge tukud he simbulu te vahi he ed-ezapen he si Asera su iyan nu egkesuatan is kedangep te Megbevayà.”

2 Cronica 30:22

Nezeliǥan ni Hezekia is langun he menge Levihanen tenged te meupiya he terebahu he impeehè dan dutun te kebpenilbi zan te Nengazen. Ne mibpedayun is kedsilibra zan seled te pitu he andew. Migkaan dan is kandan he vahin dutun te menge pemuhat. Wey nemuhat dan te menge pemuhat he para te meupiya he kedepità, wey midalig dan is Nengazen he Megbevayà te menge kepuun dan.

Ezra 7:11

Iyan heini surat he imbeǥey ni Hadì Artaserkses diyà te ki Ezra he memumuhat wey menunudlù he nepurung metau te menge suǥù wey menge sulunuzen he imbeǥey te Nengazen he Megbevayà te Israel:

Ezra 7:25

“Ne sikew Ezra, sumalà te ketau he imbeǥey kenikew te Megbevayà, ne pilì ka te menge meghuhukum wey menge upisyal he edumala te langun he etew keniyan te prubinsya he ziyan layun te Eufrates. Kinahanglan he netuenan dan is Kesuǥuan te Megbevayè nu. Ne penurua nu is menge etew he wazà metau zutun te Kesuǥuan.

Job 11:13

“Job, emun ed-iniyug ka te mezaat wey edangep ka ziyà te Megbevayà,

Salmo 1:2

Kekenà, iyan mulà kandin he igkelipey is kedtuman te menge penurù te Nengazen, ne iyan heini ebpurungan din egngunngunua te maandew wey te mezukilem.

Salmo 10:17

Nengazen, nezineg nu is ampù te menge egkaayuayu he menge etew. Ne ǥeina te ebpemineǥen nu sikandan, edlig-enan nu sikandan.

Salmo 119:112

Midisisyun a he edtumanen ku is menge sulunuzen he ibpesunud nu taman te taman.

Salmo 119:45

Kayi te kebpengungubpaan ku ne kenà a uripen, su ebpeninguhà a te kedtuman te sulunuzen nu.

Salmo 19:7

Is kesuǥuan te Nengazen wazè din sayep. Ne ebpekezasig heini kenita. Egkeseriǥan is menge penurù te Nengazen ne ebpekeveǥey heini te ketau te kenà metau.

Salmo 57:7

Edsarig a ziyà te kenikew Megbevayè ku. Egkanta a te kanta he idalig kenikew.

Malakias 2:7

“Kinahanglan he is memumuhat he ebpenurù te hustu he ketau, ne iyan sikandin egkeinsaan te menge etew ke hengkey is hustu he ed-ul-ulahan.

Deuteronomio 16:12

Tentenuzi niw he menge uripen kew zengan diyà te Ehipto, umbe purungi niw sunuza heini he menge sulunuzen.

Deuteronomio 33:10

Ebpenuruen dan is menge Israilihanen te mehitenged te imbeǥey nu he menge sulunuzen wey menge suǥù nu, ne ebpemuhat sikandan te menge veyewà wey menge pemuhat he edtutungen diyà te pemuhatà he para kenikew.

1 Samuel 7:3

Migkeǥiyan sikandan ni Samuel te, “Emun tutuu is kedlikù niw ziyà te Nengazen, itimbag niw heeyan is menge ed-ezapen niw apil heeyan is ledawan ni Ashtoret, ne pevayàbayè kew te Nengazen ne iyan dà sikandin silbiyi niw. Emun ebeelan niw heini ne edluwasen kew zin dutun te menge Filistihanen.”