Ezra 6:4 - Manobo Western Bukidnon OT

⁴ Is kada tetelu he dezekelà he menge vatu he ibped-uuntud, kinahanglan he ebpezivevawan te sevaha he trusu. Is langun he gelestuwan, egkuwaan diyà te selapì te ginhedian.

Ezra 6:4 교차 참조

1 Hadì 6:36

Mibpevaal zaan sikandin te lama zuen te valey te Nengazen. Neliǥuy heini te elavat he vinesbasan he menge vatu he is kada tetelu he apid duen mid-epizan te kayu he sidru.

Ezra 3:7

Mibeǥey is menge Israilihanen te selapì he ibayad te menge edsapsap te vatu wey te menge pandey. Mibeǥey zaan sikandan te menge keenen, menge inumen, wey lana he ibayad diyà te menge tig-Sidon wey te menge tig-Tyre para te menge kayu he sidru he ebpuun diyà te Lebanon. Heini he menge kayu, igkarga te varku ne ed-uwiten diyà te Jopa. Intuǥut heini ni Hadì Cyrus he hadì te Persia.

Ezra 5:8

“Ibpehibelu zey kenikew, Mahal he Hadì, he midhendiyè key te prubinsya he Juda, diyà te ebengunan te valey te mekeǥeǥehem he Megbevayà. Dezekelà he menge vatu is egemiten te kebenguna zuen te simbahan, ne is menge verengbeng din midteuzan te menge trusu su wey mebmelig-en. Mesigudu sikandan he edterebahu, umbe meǥaan is kebenguna zan kayi.

Ezra 6:8

“Edsuǥuen ku zaan sikiyu he uǥupi niw is menge pengulu te menge Judio pinaaǥi te kediritsuwa kebeyazi te langun he ǥastu su para kenà mesanggen is terebahu. Diyè niw kuwaa is bayad he selapì te ginhedian he ebpuun diyà te vuhis te prubinsya niw.

Salmo 68:29

Tenged te valey nu ziyà te Jerusalem ed-uwit is menge hadì te ǥasa zan kenikew.

Salmo 72:10

Berakat he is menge hadì diyà te Tarshish, menge pulu, wey te Sheba, ebeǥey ziyà te kandin te menge ǥasa te kebpekilala he ebpesakup sikandan kandin.

Isaias 49:23

Ebpenilbi kenikew is menge hadì wey menge rayna. Iyan sikandan ed-atur kenikew. Edluhud sikandan is edtahud kenikew, ne ebpesakup dan kenikew. Ne zutun egketuenan nu he iyan a Nengazen, ne is edsarig kediey ne kenà egkepakyas.”