Ezra 6:1 - Manobo Western Bukidnon OT

¹ Umbe, midsuǥù si Hadì Darius he susiya is menge surat he intaǥù diyà te teleǥuey kayi ziyà te Babilonia.

Ezra 6:1 교차 참조

Ezra 4:15

su wey nu mesusi is menge surat he intaǥù te menge kepuun nu. Ne kayi egketuenan nu he is menge meǥinged diyà te Jerusalem menge ribildi puun pa te nehuna he timpu. Umbe midezeetan heini he inged su nehimu heini he prublima te menge hadì wey te menge lugar he egkesuat he edsakup kayi.

Ezra 4:19

Midsuǥù a he susiya is menge surat, ne naahà dutun he tutuu iyan he puun pa zengan is menge meǥinged diyà te Jerusalem ebpekigkuntada te menge hadì. Neleyaman dan en te ed-ula-ula keniyan he lugar is kedribildi kuntra te gubirnu.

Ezra 5:17

“Guntaan, Mahal he Hadì, ipesusi nu is menge surat he impetaǥù te menge hadì te Babilonia ke tutuu ve he insuǥù ni Hadì Cyrus is ked-umana kebenguna zuen te valey te Megbevayà diyà te Jerusalem. Ne ipetueni nu kenami ke hengkey is disisyun nu mehitenged kayi.”

Ezra 6:22

Seled te pitu he andew is melipayen he kedsilibraha zan te Pista te Supas he Wazè din Tapey. Su mibeǥayan dan te Nengazen te kelipey pinaaǥi te kedwelenga zin te ǥehinawa te hadì te Asiria para tevangi zin sikandan te kedterebehuwa zuen te valey te Megbevayà, sikan is Megbevayà te Israel.

Ezra 7:13

“Midsuǥù a he minsan hentei te menge Israilihanen kayi te ginhedian ku, ragkes en is menge memumuhat wey menge Levihanen, he egkesuat he eduma kenikew te ked-ulì diyà te Jerusalem egkehimu he eduma kenikew.

Job 29:16

Nehimu a he amey te menge pubri; minsan is menge lumelengyawà, midtevangan ku te menge kasu zan.

Salmo 40:7

Umbe, migkaǥi a te, “Heini e zed, andam a he edtuman te menge suǥù nu sumalà is ingkesurat he menge lalag nu mehitenged kedì.

Erubasa 25:2

Ebentuǥen tew is Megbevayà tenged te menge egkengeulaula he wazè din ipezayag kenitew; ebentuǥen tew is menge hadì tenged te menge ibpezayag dan kenitew.

Jeremias 36:29

Ne keǥiyi nu sikan is hadì te iyan heini migkaǥi ku, ‘Midtutung nu sikan is linulun he velesahan su nekaǥi zutun he edezeetan te hadì te Babilonia heini he tanà ne ebpenhimetayan din is menge etew wey menge uyaǥen.

Jeremias 36:32

Umbe, migkuwa si Jeremias te selakew en he linulun he velesahan ne imbeǥey zin haazà ki Baruc, ne insurat dutun ni Baruc is langun he indikta kandin ni Jeremias, iring te mibeelan dan duen te nehuna he linulun he velesahan he midtutung ni Hadì Jehoyakim he hadì te Juda. Piru zuen in-uman ni Jeremias kayi he ebpekeiring ded duen te nehuna he insurat.

Ezekiel 2:9

Ne neehè ku is belad he eduwal kedì te linulun he velesahan.

Ezekiel 3:1

Ne migkaǥi haazà is laǥeng kayi te kediey te, “Sikew is etew, keena nu heini is linulun he velesahan, ne ǥenat ka, ne keǥiyi nu is menge etew te Israel.”

Daniel 9:25

“Kinahanglan he egketuenan nu wey egkesavut nu he puun te timpu te kebmandù ku he ed-umanan ebenguna is Jerusalem taman te kebpekeuma te pengulu he pinilì te Megbevayà, ne edlavey is 49 he tuig. Ne seled te 434 he tuig ed-umanan ebenguna is Jerusalem he zuen din menge pelasa wey pengalang. Ne timpu haazà te kesamuk.