Ezra 5:5 - Manobo Western Bukidnon OT

^5-7 Piru mibentayan te Megbevayà is menge pengulu te menge Judio, umbe midisisyun si Tatenai, si Shetar Bozenai, wey is menge zuma zan he menge upisyal te prubinsya he dini layun te Eufrates he kenè dan en ibpeengkezan is kebenguna zuen te valey te Nengazen taman te egketudtulan sikandan te menge lalag ni Hadì Darius mehitenged kayi wey ke hengkey is tavak din. Iyan heini taǥù te surat he impeuwit dan diyà te ki Hadì Darius: “Minahal he Hadì Darius, “Berakat he meupiya is kebpekesavuk nu.

Ezra 5:5 교차 참조

2 Cronica 16:9

Su is Nengazen, ne neehè din is tivuuk he menusiyà ne edlig-enan din is menge etew he edsunud kandin. Kelelalung is mibeelan nu! Umbe puun guntaan ne layun ke en ebpekepekidtebek.”

Ezra 7:28

Tenged te kebpurungi kediey te Nengazen, mibpurungan a te hadì wey te menge sumesambag din, ragkes en is langun he mekeǥeǥehem he menge upisyal zin. Ne ǥeina te edtevangan a te Nengazen he Megbevayè ku, neteǥuan a te kevurut te kedtiǥum te menge pengulu te Israel wey zan mekezuma kedì diyà te Jerusalem.

Ezra 8:22

Su egkeeled a he edhangyù diyà te hadì te menge sundaru wey menge pereuntud te kudà he ebpekevantey kenami wey key kenà mekevut te menge kuntada zutun te kedhipanew zey, su nekeǥiyan dey en is hadì he edtevangan te Megbevayè dey is langun he edsarig diyà te kandin. Piru egkepeukan te Megbevayà is edselikwey kandin.

Salmo 32:8

Nengazen, migkaǥi ka kayi te kedì te, “Ibpenurù ku kenikew is dalan he zait he ed-ikulen nu. Ne zutun te kebentayi ku kenikew ne edsembaǥan ku sikew.

Salmo 33:18

Ebentayan te Nengazen is menge edtahud kandin, he edsarig te kebmahala zin kandan.

Salmo 34:15

Ebentayan te Nengazen is menge metazeng, ne ebpemineǥen din is menge pengemuyù dan.

Salmo 76:10

Kenà duwazuwa he is kegkepauk nu te lalung he menge etew igkezeliǥi kenikew, ne kemulu pa is pauk nu.