Ezra 5:1 - Manobo Western Bukidnon OT

¹ Dutun he timpu, midsuǥù te Megbevayà diyà te Israel is menge ebpeneuven he si Haggai wey si Zacarias he apù ni Iddo te kegkaǥi te menge lalag din diyà te menge Judio ziyà te Juda wey Jerusalem.

Ezra 5:1 교차 참조

Ezra 4:24

Neengked is kebenguna zuen te valey te Megbevayà diyà te Jerusalem taman te ikezuwa he tuig te kedhadì ni Darius diyà te Persia.

Ezra 6:14

Umbe, mibpedayun te kedterebahu is menge pengulu te menge Judio duma is kedlig-eni kandan te menge lalag te menge ebpeneuven he iyan si Haggai wey si Zacarias he menge apù ni Iddo. Nepasad dan te edterebahu is baley te Megbevayà sumalà te insuǥù te Megbevayà te Israel he impetuman eni Cyrus, Darius, wey Artaserkses, he nekesunud he menge hadì diyà te Persia.

Micas 5:4

Edumala heini he pengulu ne ed-elimahan din is menge etew te Israel he iring sikandin te perevantey te menge kerehidu. Edhimuwen din heini pinaaǥi te zesen wey gehem te Nengazen he Megbevayè din. Ne ebpengungubpaan is menge etew zin he wazè dan igkahandek su egkilelaan te menge etew te tivuuk he kelibutan is kegkemekeǥeǥehem din.

Haggai 1:1

Dutun te nehuna he andew te ikeenem he vulan, dutun te ikezuwa he tuig te kedhadì ni Darius diyà te Persia, duen migkaǥi te Nengazen diyà te ki Zerubabel wey ki Josue pinaaǥi te ebpeneuven he si Haggai. Si Zerubabel he anak ni Shealtiel iyan gubirnedur ziyà te Juda, ne si Josue he anak ni Jehozadak iyan lavew he memumuhat.

Haggai 2:18

Ike-24 guntaan he andew te ikesiyam he vulan, ne ǥuntaan nepasad sikan is pundasyun duen te valey te Nengazen. Ne peninimè kew en ke hengkey is egkehitavù puun guntaan.

Zacarias 8:9

Migkaǥi pa is Nengazen he Mekeǥeǥehem, “Heini he menge lalag migkaǥi zengan te menge ebpeneuven hein timpu te kebeeli te pundasyun te valey ku. Ne ǥuntaan te neuman niw heini mezineg, mebpekelig-en kew su wey niw mepasad is kebangun te valey ku.