Ezra 4:6 - Manobo Western Bukidnon OT

⁶ Hein mibpuun medhadì si Ahasuerus, is menge kuntada te menge meǥinged diyà te Juda wey Jerusalem midsurat te menge sumbung dan kuntra kayi he menge meǥinged.

Ezra 4:6 교차 참조

Genesis 26:21

Ne mid-uman mebangbang is menge suluǥuen din te selakew en he kalut, piru midtebekaayan dan ded haazà te menge tig-Gerar. Umbe migngezanan ni Isaac haazà he kelut te Sitna, he ke và dà egkeǥiya, “Tebekaayaan.”

Ezra 4:5

Midsuhulan dan is menge upisyal te ginhedian te Persia su wey zan belevaǥi is menge pelanu te menge etew te Juda. Mibpedayun sikandan te kebaal kayi puun te timpu ni Cyrus he hadì te Persia taman en te timpu he si Darius en is hadì diyà te Persia.

Ester 1:1

Duen sevaha he hadì te Persia he migngezanan ki Ahasuerus. Diyà sikadin med-ubpà te turuǥan he miberengbeng diyà te inged he Susa. Edhedian din is 127 he prubinsya puun te India taman te Etiopia.

Ester 1:10

Dutun te ikepitu he andew zutun te keemuran, melipayen is hadì te subra he ked-inum. Midsuǥù din is pitu he menge keugelingen din he sineriǥan he si Mehuman, si Bizta, si Harbona, si Bigta, si Abagta, si Zetar, wey si Carkas. Midsuǥù din sikandan

Ester 3:8

Ne migkeǥiyan ni Haman si Hadì Ahasuerus te, “Duen sevaha he kevuwazan he nemekeubpà diyà te minsan hendei zapit kayi te prubinsya te ginhedian nu ne zuen dan keugelingen he velaud he selakew te zuma he menge etew. Wazà sikandan medtuman te menge suǥù nu, ne kenè heini meupiya para kenikew, Mahal he Hadì, ke ebpesegdanen sikandan.

Daniel 11:2

“Guntaan, idseysey ku en diyà te kenikew is tutuu: Duen tetelu pa he hadì he edhadì te Persia. Ne zuen ikeepat he hadì he ebpeketinundug kandan te tetelu ne edhuna pa heini he sepian kandan, ne pinaaǥi te ketiǥeyunan din, egkehimu sikandin he mekeǥeǥehem, ne edhinggaten din is duma he menge ginhedian te kebpekidtebek te ginhedian te Grecia.

Daniel 9:1

Si Darius he Midianhen he anak ni Ahasuerus, iyan hadì dutun he timpu ziyà te tivuuk he Babilonia. Te nehuna he tuig te kedhadì din, netuenan ku ziyà te insurat he lalag te Megbevayà he kenà egkevangun is nevengkag he inged he Jerusalem seled te 70 he tuig, su iyan heini nekaǥi te Nengazen diyà te mibpenaub din he si Jeremias.