Ezra 4:4 - Manobo Western Bukidnon OT

⁴ Umbe, mibpelihandek wey mibpeluyahan te menge etew he zaan he ebpemen-ubpà dutun he lugar is menge etew te Juda su wey zan kenà melaus is kedterebehuwa zuen te valey te Nengazen.

Ezra 4:4 교차 참조

2 Samuel 4:1

Hein netuenan ni Ishboshet, he anak ni Saul, he midhimetayan si Abner ziyà te Hebron, utew nahandek sikandin wey is langun he tig-Israel.

Ezra 3:3

Minsan nahandek dan te menge etew he zaan he nemen-ubpà dutun te tanà, mibangun dan is pemuhatà diyà te nehuna he mibengunan kayi. Ne nemuhat sikandan te menge pemuhat he edtutungen meselem wey mezukilem.

Ezra 4:5

Midsuhulan dan is menge upisyal te ginhedian te Persia su wey zan belevaǥi is menge pelanu te menge etew te Juda. Mibpedayun sikandan te kebaal kayi puun te timpu ni Cyrus he hadì te Persia taman en te timpu he si Darius en is hadì diyà te Persia.

Nehemias 4:11

Dutun daan he timpu, migkaǥi is menge kuntada zey te, “Edhendiyè kiw te kandan te meeles. Ne ebpenhimetayan tew sikandan su para meengked is kedterebahu zan.”

Nehemias 4:2

Diyà te etuvangan te menge zuma zin wey te menge sundaru ziyà te Samaria, migkaǥi sikandin te, “Hengkey is ebeelan kayi te mekehizuhizu he menge Judio? Kunaan dan buwa ke egkeuman dan egkevangun is menge verengbeng te Jerusalem seled dà te senga andew, ne ebpekeuman dan ebpekepemuhat. Kunaan dan buwa ke egkeǥamit dan pa is netutung wey nerupet he menge vatu zuen te verengbeng!”

Nehemias 6:9

Netuenan ku he ebpelihendeken key zan su para mekeengked key he edterebahu. Piru mid-ampù a ziyà te Megbevayà he lig-eni e zin pa.

Jeremias 38:4

Umbe, migkeǥiyan dutun te menge upisyal sikan is hadì te, “Kinahanglan he edhimetayan heini he etew. Su id-awè din is kezasig te menge sundaru he nesamà kayi te inged, ragkes en is langun he menge etew kayi, tenged te mibpengaǥi zin diyà te kandan. Wazà sikandin medtinguhà te keupiyaanan te menge etew, kekenà, kezeetan dan.”

Daniel 10:13

Ne wazà a mekesayu mekeuma zini su mid-alang kedì is mulin-ulin he iyan pengulu te ginhedian he Persia seled te 21 he andew. Meupiya ganì su midtevangan a ni Miguel he sevaha zuen te menge pengulu te menge velinsuǥuen, su sebsevaha ku zà is nekidtebek duen te pengulu te Persia.

Daniel 10:20

Ne midtavak sikandin te, “Kinahanglan he edlikù a te kebpekidtebek duen te pengulu te Persia. Kegenat ku puun te kebpekidtebek ku, ne ebpekeume en daan is pengulu te Grecia he elin ebpekidtebek kedì. Piru netuenan nu ve ke maan is midhengkayi a te kenikew?