Ezra 10:4 - Manobo Western Bukidnon OT

⁴ Hitindeg ka su kenikew he vuluhaten is kegiya kenami mehitenged kayi. Mebpekelig-en ka ne veeli nu is ereg he ebeelan. Ed-uǥup key kenikew.”

Ezra 10:4 교차 참조

1 Cronica 22:16

te vulawan, pelata, brunsi, wey putew. Umbe ǥuntaan, puun ke en peterebahu ne verakat he zumahi ke te Nengazen.”

1 Cronica 22:19

Umbe ǥuntaan, uvey kew te Nengazen he iyan Megbevayè niw te tivuuk he ǥehinawa wey kedsavut niw. Puuni niw en is kedtukuza te valey te Nengazen he Megbevayà para ikesavuk niw en dutun kes Kavan te Kebpekid-uyun te Nengazen wey kes menge segradu he menge gelemiten te Megbevayà keniyan te valey te Nengazen he midtukud para te kegkeveyawa te ngazan din.”

1 Cronica 28:10

Umbe, is-isipa nu heini purungi. Mibpilì ka te Nengazen he ibpetukud duen te valey te Nengazen. Pekelig-en ka, wey terebehuwa nu heini he vuluhaten.”

1 Cronica 28:20

Migkeǥiyan daan ni David is anak din he si Solomon, “Mebpekelig-en ka wey mebpekevurut ka. Puuni nu en is kebpeterebahu. Kenè ka mahandek wey mebmeluya, su is Nengazen he Megbevayà, he Megbevayè ku, eduma kenikew. Kenè ke zin ed-ewaan wey ebey-anan taman te egkepasad is langun he terebahu para te valey te Nengazen.

1 Cronica 28:21

Ne andam en is grupu te menge memumuhat wey menge Levihanen te langun he terebahu para zuen te valey te Megbevayà wey zuen daan menge etew he zuen menge ketau te kedterebahu te minsan hengkey he vuluhaten he andam te ked-uǥup kenikew. Is menge upisyal wey is langun he menge etew ne andam he ebpezumazuma kenikew.”

Ezra 10:5

Umbe, midhitindeg si Ezra ne impepenangdù din is nengulu he menge memumuhat, is menge Levihanen, wey is langun he menge Israilihanen, he veeli zan is migkaǥi ni Shecania. Ne nenangdù sikandan.

Megwewali 9:10

Beeli nu is minsan hengkey he ebeelan nu he egkehimu nu, su ziyà te ubpaan te menge minatey, he zutun is egkepengkusan nu, ne wazè en ketau etawa keuluwanen.