Ezra 10:1 - Manobo Western Bukidnon OT

¹ Dutun te edluhud si Ezra ziyà te egkesineruwan duen te valey te Megbevayà, wey edsineǥew he ed-ampù wey edtug-an te menge salà te menge Israilihanen, mahabet he menge Israilihanen he menge maama, menge vahi, wey menge vatà is midtiǥum diyà te peliǥuy zin. Heini sikandan kenà daan alang-alang is kedsineǥew zan.

Ezra 10:1 교차 참조

1 Hadì 8:30

Pemineǥa nu is menge hangyù ku wey hangyù te menge etew nu he Israilihanen te kebpengemuyù dey he kayi he lugar ed-etuvang. Pemineǥa nu keniyan te ubpeey nu he langit. Ne emun egkezineg key kenikew, ne peseyluwa key.

1 Hadì 9:3

Migkaǥi is Nengazen diyà te kandin te, “Nezineg ku is ampù nu wey hangyù nu kayi te kediey. Heini is baley ku he mibangun nu, mibpilì ku heini he lugar he kayi a ebeǥayi te zengeg taman te taman. Ebentayan ku heini wey layun ku ed-etura.

2 Cronica 20:13

Hein kemulu pa zutun ebpemenhitindeg is langun he menge maama te Juda duma te menge esawa zan wey menge anak dan, ragkes dutun is dezeisek he menge anak dan,

2 Cronica 20:9

‘Emun duen ebpekeuma he kemereǥenan kayi te kenami iring te tebek, dalem, daru, wey ke vitil, ne edhitindeg key ziyà te etuvangan nu ziyà te etuvangan kayi te valey te Nengazen he kayi ka ebeǥayi te zengeg. Ne netuenan dey he ebpekevuyù key te tavang kenikew te menge kemereǥenan dey, ne ebpemineǥen key kenikew wey edluwasen key kenikew.’

Ezra 10:6

Ne mid-awà si Ezra ziyà te egkesineruwan duen te valey te Megbevayà ne midhendiyà te ruǥu ni Jehohanan te anak ni Eliashib. Ne hein dutun en sikandin ne wazà sikandin megkaan wey med-inum, su midlalew sikandin tenged te kenà metinumanen is menge Israilihanen he nemen-ulì puun te kegkevihag.

Nehemias 1:4

Ne hein nezineg ku haazà, mibpinuu a is midsineǥew. Nepipira he andew is kedlalew ku, kebpuasa ku, wey kebpengemuyù ku ziyà te etuvangan te Megbevayà diyà te langit.

Nehemias 1:6

Siak is suluǥuen nu, ebpengemuyù a ziyà te kenikew te maandew wey mezukilem para te menge etew ziyà te Israel he menge suluǥuen nu. Pemineǥa a wey tevaka nu is ampù ku. Idtug-an ku kenikew is menge salà te menge Israilihanen, ragkes en is kedì he menge salà wey is menge salà te menge kepuun ku.

Nehemias 10:28

Is duma he menge etew ziyà te Israel, ragkes is menge memumuhat, menge Levihanen, menge vantey te menge ǥemawan te valey te Nengazen, menge perekanta, menge suluǥuen diyà te valey te Nengazen, wey is langun he nekidsivayà te kenà menge Israilihanen he meǥinged diyà te Israel su edtuman mulà te Kesuǥuan te Megbevayà, ragkes is menge esawa zan wey is menge anak dan he zuen dan en hanew,

Nehemias 8:9

Dutun te ebpemineg is menge etew te menge lalag diyà te Kesuǥuan, nemekesineǥew sikandan. Migkaǥi ziyà te kandan si Nehemias he gubirnedur, si Ezra he memumuhat wey menunudlù te Kesuǥuan, wey is menge Levihanen he mibpesavut kandan te Kesuǥuan te, “Heini he andew segradu para te Nengazen he Megbevayè niw, umbe kenè kew sineǥew.”

Salmo 119:136

Nekepurung a mekesineǥew su ǥeina te wazà medtuman is menge etew te kesuǥuan nu.

Salmo 32:5

Ne intug-an ku ziyà te kenikew is menge salè ku; wazè ku in-eles. Ke siak te idtug-an ku is menge salè ku ziyà te kenikew. Ne zutun te kedtug-an ku, mibpesaylu a kenikew.

Jeremias 13:17

Emun kenè kew pa edtuu, ne edsineǥew a te meeles tenged te utew niw kebpelavew. Edsineǥew a te kenà alang-alang he edtudà is menge luhè ku, su ebihaǥen man is menge etew te Nengazen.

Jeremias 9:1

“Angin pezem ke serebseb te menge luhà is menge mata ku su edsineǥew e en te maandew wey mezukilem tenged te menge emurè ku te inged he mibpenhimetayan.

Daniel 9:20

Mibpedayun a is ebpengemuyù wey edtug-an te menge salè ku wey menge salà te menge zuma ku he menge Israilihanen. Midhengyuan ku is Nengazen he Megbevayè ku para te segradu he vuvungan din.

Hoseas 14:2

Likù kew ziyà te Nengazen ne kaǥi kew ziyà te kandin te, ‘Nengazen, peseyluwa nu is langun he menge salè dey, ne zewata key kenikew tenged te keupiya nu, su wey key mekepemuhat kenikew te menge kedalig he ebpuun te menge vèbè dey.

Zacarias 12:10

“Ebeǥayan ku is menge kevuwazan ni David wey is menge meǥinged diyà te Jerusalem te ǥehinawa he hihizuwen wey meinempuen. Edtengtengan e zan is midhimetayan dan, ne edsineǥew sikandan iring te ginikanan he midsineǥew tenged te kebpatey te vudtung he anak din etawa kinekekayan he anak din.

Deuteronomio 31:12

Tiǥuma niw is menge etew: menge maama, menge vahi, menge vatà, wey is kenà menge Israilihanen he zuma niw he meǥinged su para mekepemineg sikandan su wey zan mekeistudyu te kedtahud te Nengazen he Megbevayè niw ne wey zan mapurungi te edtuman is langun he ibpetuman kayi he menge suǥù.

Josue 7:6

Ne tenged te kegkeseeng, si Josue wey is ebpemendumala te Israel, mibindas dan is menge visti zan ne mibukbukan dan te eliyavuk is menge ulu zan, ne taman te mezukilem, midlangkeb dan diyà te etuvangan duen te Kavan te Kebpekid-uyun te Nengazen.

Josue 8:35

Midtigseselimbaha vesaha ni Josue is menge suǥù ni Moises diyà te etuvangan te tivuuk he keet-etawan te Israel ragkes en is menge vahi, menge vatà, wey kenà menge Israilihanen he zuma zan he meǥinged.