Ezra 1:6 - Manobo Western Bukidnon OT

⁶ Is duma he menge etew midtavang kandan pinaaǥi te kebeǥey te pelata he menge gelemiten, menge vulawan, menge azen he kinahanglan dan, menge uyaǥen, duma pa he mahalen he menge azen, wey tavang he ebpuun te keugelingen he suat he para te valey te Nengazen.

Ezra 1:6 교차 참조

1 Cronica 29:9

Utew nengelipey is menge etew su mibeǥey is menge pengulu zan he ebpuun te keputian te atey zan para te Nengazen. Utew zaan nelipey si Hadì David.

Ezra 1:4

Is menge etew ziyà te menge lugar he ed-ubpaan niw te nesamà he menge Israilihanen, ereg sikandan he edtavang keniyu zutun te kegenat niw. Mebeǥey sikandan keniyu te menge pelata wey vulawan, menge vutang he egkinehenglanen niw, menge uyaǥen, wey tavang he ebpuun te keugelingen he suat he para te valey te Megbevayà diyà te Jerusalem.”

Ezra 8:33

Ne hein ikeepat he andew, midhendiyè key te valey te Megbevayè dey ne indata zey sikan is menge pelata, menge vulawan, wey menge gelemiten he pudu wazà mengeterini ziyà te ki Meremot he memumuhat he anak ni Uria. Duma zin si Eleazar he anak ni Finehas wey zezuwa he Levihanen he si Jozabad he anak ni Jeshua wey si Noadia he anak ni Binui.

Nehemias 6:9

Netuenan ku he ebpelihendeken key zan su para mekeengked key he edterebahu. Piru mid-ampù a ziyà te Megbevayà he lig-eni e zin pa.

Salmo 106:46

Ne mibpengelinteuwan din he mehizuwi sikandan te menge mibihag kandan.

Salmo 110:3

Dutun te andew te kedtebeka nu te menge kuntada nu, andam is menge etew nu te ked-uǥup kenikew. Is menge vetan-en he menge etew nu edhendiyà te kenikew zutun te segradu he menge vuvungan he henduen be sikandan te menge zehemug emun meselem.

Exodus 12:35

Midtuman te menge Israilihanen is mibpeveelan kandan ni Moises su mibuyù dan diyà te menge Ehiptohanen te menge elahas he pelata, menge elahas he vulawan, wey menge ebistiyen.

Exodus 12:36

Midhimu te Nengazen he mebmeupiya is gehinawa te menge Ehiptohanen diyà te menge Israilihanen umbe imbeǥey zan is mibuyù te menge Israilihanen; pinaaǥi zutun nepenevanan dan is menge Ehiptohanen.

Isaias 35:3

Umbe, lig-eni niw is menge mibmeluya.