Exodus 9:4 - Manobo Western Bukidnon OT

⁴ Iyan, ibpebiza ku is menge uyaǥen te menge Israilihanen wey is menge uyaǥen te menge Ehiptohanen, su wazà mulà ebpatey he uyaǥen te Israilihanen.’ ”

Exodus 9:4 교차 참조

Exodus 10:23

Ne zutun, wazà minsan sevaha he nekehimu he egawas diyà te ed-ubpaan din seled te tetelu he andew su kenà ebpekaahà. Piru merayag mulà is diyà te lugar he ed-ubpaan te menge Israilihanen.

Exodus 12:13

Ne haazà is lengesa, ne iyan tuus te menge valey he zutun kew is menge Israilihanen ed-ubpà. Ne emun egkeehè ku haazà is lengesa ne edlevayan ku zà sikiyu. Ne wazà mulà kezeetan he egkehitavù keniyu kayi te kebpigedahi ku te menge Ehiptohanen.

Exodus 8:19

Ne migkaǥi sikan is menge selemengkiru ziyà te hadì te, “Baal heini te Megbevayà!” Piru mezesen gihapun is gehinawa zuen te hadì, ne wazà sikandin mebpezumazuma ki Moises wey ki Aaron, su iyan heini migkaǥi te Nengazen.

Exodus 8:22

Iyan, emun egkehitavù en haazà ne kenà mulà egkehitavù diyà te tanà he Goshen, he iyan ed-ubpaan te menge etew ku; kenà mulà edhendiyà te kandan is menge dezeizey he keranapranap he ebpezumdumahà, su para metueni niw he siak, is Nengazen, dutun a he lugar.

Exodus 9:26

Iyan dà wazà duen giyew is tanà he Goshen he zutun ed-ubpà is menge Israilihanen.

Exodus 9:5

Midtelaan te Nengazen is timpu, ke sikandin te, “Keeselem ku heini ed-ul-ulaha kayi he tanà.”

Exodus 9:6

Ne hein sunud en he andew mibeelan en te Nengazen haazà: mid-amin mebpematey is langun he uyaǥen te menge Ehiptohanen. Piru wazà mulà mepetayi te minsan sevaha is uyaǥen te menge Israilihanen.

Amos 4:7

“Iyan a mid-eǥen te uzan te tetelu he vulan human is tiraǥun. Mibpeuzanan ku is duma he menge inged piru is duma wazè ku peuzani. Mibpeuzanan ku is duma he menge pemuleey piru is duma mibmemaza.

Malakias 3:18

Ne egkeuman niw en maan egkaahà is mibizahayan te metazeng wey lalung, is mibizahayan te ebpenilbi te Megbevayà wey kenà ebpenilbi kandin.”