Exodus 8:4 - Manobo Western Bukidnon OT

⁴ Edlingketawan ka te menge bakbak wey is menge etew nu wey elin is menge upisyal nu.’ ”

Exodus 8:4 교차 참조

1 Hadì 13:6

Ne migkaǥi haazà is hadì dutun te suluǥuen te Megbevayà te, “Iampù a kenikew ziyà te Nengazen he Megbevayè nu he vewii zin is belad ku.” Umbe mid-ampù haazà is suluǥuen te Megbevayà diyà te Nengazen, ne neulian is belad dutun te hadì.

Salmo 107:40

Mibpendezeisey te Megbevayà is menge midaagdaag kandan pinaaǥi te kedtezina zin kandan diyà te disirtu he wazà duen menge zalan.

Exodus 10:17

Umbe, peseyluwa ad maan keniyu tenged te salè ku te minsan kesevaha zà, ne ampù kew ziyà te Nengazen he Megbevayè niw he iawè din heini is ebpekepatey he pigada.”

Exodus 8:24

Mid-ulaula iyan heini te Nengazen. Midselezan te mezakel he menge dezeisey he menge keranapranap is turuǥan te hadì wey is baley te menge perezumala zin, ne is tivuuk he tanà te Ehipto ne nezeetan tenged kayi.

Exodus 8:3

Utew edsubra is kebmahabet te menge vakbak diyà te Wahig he Nilo ne edseled dan diyà te turuǥan nu, diyà te ruǥu nu wey minsan diyà te hizeǥaan nu. Edseled dan daan diyà te menge valey te menge upisyal nu wey te ginsekupan nu, ragkes en is menge avu wey menge lugar he ebmesahan te herina.

Exodus 8:5

Ne zutun migkaǥi is Nengazen diyà te ki Moises te, “Keǥiyi nu si Aaron he beyawa zin is belad din he zuen tuked he ibpetezù diyà te menge dezekelà he wahig he edtudà, beuǥan, kanal, wey menge wahig he mibpeneng, ne egaun is menge vakbak kayi te tivuuk he tanà he Ehipto.”

Exodus 9:28

Iampù niw ziyà te Nengazen he ipeengked din en heini is gerabi he veransì wey giyew. Ne human ku en sikiyu edtuǥuti te kedhipanew; kenè kew en ereg he ed-ubpè pa kayi.”

Isaias 19:11

Menge tulebung is menge upisyal ziyà te Zoan! Egkilelaan sikandan he kinemeteuwan he menge sumesambag te hadì te Ehipto, piru wazà pulus te menge sambag dan. Ne kenà sikandan ereg he egkaǥi te, “Menge kevuwazan key te uluwanen he menge etew wey menge hadì dengan.”

Isaias 19:22

Edsilutan te Nengazen is menge Ehiptohanen pinaaǥi te kebpeeǥiya zin te vangkit diyà te kandan, piru ebewian din sikandan. Edangep sikandan diyà te kandin, ne ebpemineǥen din is menge kebpengemuyù dan ne ebewian din sikandan.

Isaias 23:9

Is Nengazen he Mekeǥeǥehem iyan mibpelanu kayi su ibpekevavè din is ebpelavew te kegkemekeǥeǥehem din wey is egkilelaan he ventuǥan kayi te kelibutan.

Daniel 4:37

Umbe, ǥuntaan edeliǥen ku wey ebeǥayan ku te zengeg is hadì diyà te langit, su hustu wey metazeng is langun he menge vaal zin ne ibpekevavè din is minsan hentei he ebpelavew.”

Numero 21:7

Midhendiyà is menge etew te ki Moises ne ke sikandan te, “Nekesalè key su mezaat is menge lalag dey mehitenged te Nengazen wey kenikew. Iampù nu te Nengazen he iawè din diyà te kenami heini is menge uled.” Umbe mid-ampù si Moises para te menge etew.