Exodus 8:18 - Manobo Western Bukidnon OT

¹⁸ Ne hein iyan migezam mebaal te menge rengit sikan is menge selemengkiru pinaaǥi te kegkeselemengkiru zan, ne wazà sikandan mekehimu. Ne zutun midhurun is menge rengit diyà te menge etew wey menge uyaǥen.

Exodus 8:18 교차 참조

Exodus 7:11

Ne zutun mibpesuǥuan te hadì is menge uluwanen he etew wey is menge selemengkiru ziyà te Ehipto ne nehimu zan daan is iring dutun pinaaǥi te kegkeselemengkiru zan.

Exodus 9:11

Ne wazè en mekepeǥiewǥiew ziyà te ki Moises sikan is menge selemengkiru su mibpenlevaǥan en daan sikandan iring te langun he menge Ehiptohanen.

Daniel 5:8

Ne mid-uvey haazà is uluwanen he menge etew su ebesahan dan haazà is nekesurat duen te elavat. Iyan, kenè dan egkevasa wey egkeseysey is kehuluǥan dutun, dutun te hadì.

Daniel 4:7

Kebpekeuma te menge selemengkiru, menge veyilan, menge menenagnà, wey menge mengingingkuris, ne midtudtul ku ziyà te kandan is teǥeinep ku, piru kenè dan igkeseysey kayi te kedì is kehuluǥan din.

Isaias 19:12

Sikew is hadì te Ehipto, hendei en is uluwanen he menge etew nu? Emun uluwanen sikandan, ne ipekaǥi kandan ke hengkey is pelanu te Nengazen he Mekeǥeǥehem para te Ehipto.

Genesis 41:8

Ne hein nepawà, utew neliveg haazà is hadì tenged dutun te menge teǥeinep din, ne impetawag din is langun he menge selemengkiru wey uluwanen he menge etew ziyà te ǥinhedian din he Ehipto. Ne midtudtulan din sikandan te menge teǥeinep din, piru wazà minsan hentei kandan he ebpekeseysey zutun te hadì ke hengkey is kehuluǥan dutun.

Exodus 7:12

Is kada sevaha kandan, midtimbag te tuked din ne haazà nememaluy he uled. Iyan, mibakal zuen te tuked ni Aaron sikan is kandan he menge tuked.

Exodus 8:7

Ne sikan is menge selemengkiru nehimu zan daan is iring dutun su ingkepeǥaun dan daan is menge vakbak puun te menge wahig diyà te Ehipto.

Exodus 10:23

Ne zutun, wazà minsan sevaha he nekehimu he egawas diyà te ed-ubpaan din seled te tetelu he andew su kenà ebpekaahà. Piru merayag mulà is diyà te lugar he ed-ubpaan te menge Israilihanen.