Exodus 8:13 - Manobo Western Bukidnon OT

¹³ Ne mibeelan te Nengazen is inhangyù ni Moises. Nemematey is menge vakbak diyà te menge valey, diyà te menge lama, wey menge vevesukà.

Exodus 8:13 교차 참조

Exodus 8:11

Ed-awà is langun he menge vakbak diyà te keniyu ne iyan dà egkesamà is diyà te Wahig he Nilo.”

Exodus 8:12

Ne hein mid-ewaan en ni Moises wey ni Aaron kes hadì, ne mibpengemuyù si Moises diyà te Nengazen he iawè din sikan is menge vakbak he midsuǥù din diyà te Ehipto.

Exodus 8:14

Ne miburunburun heini te menge Ehiptohanen ne metikang is tambù dan ne mibmemahù is tivuuk he Ehipto tenged dutun.

1 Cronica 23:28

Is ketengdanan te menge Levihanen ne iyan is ked-uǥup te menge memumuhat he menge kevuwazan ni Aaron para edterebahu zutun te valey te Nengazen. Iyan sikandan ed-etiman te lama zuen te valey te Nengazen wey te menge ruǥu ziyà te menge kilid, wey sikandan daan is ed-uǥup te menge tulumanen te kebpenlumpiyu wey te zuma pa he menge vuluhaten dutun te valey te Megbevayà.

Salmo 105:31

Pinaaǥi te suǥù te Megbevayà, duen utew gerabi he langew wey kutu ziyà te tanè dan.