9 Ne midtultul haazà ni Moises diyà te menge Israilihanen, iyan, wazè dan sikandin pemineǥa tenged te kegkesuǥey zan wey te gerabi he pesipala kandan dutun te ked-uripena kandan.
Wazè dan kegkehizu te menge Israilihanen. Utew zan midlisedlised sikandan pinaaǥi te kebpeterebehuwa kandan te kebaal te menge brik wey kedsimintu. Ne midrasey zan sikandan te kebpeterebehuwa zan diyà te pemuleey zan.
Minsan pa te migkeǥiyan dey en sikew hein diyè kiw pa te Ehipto te, bey-ani key en kenikew is ebpenilbi te menge Ehiptohanen su meupiya pa is kebpenilbi kandan kenà is kebpatey ziyà te sibsivayan!”
Ne hein neuǥet en, mibpatey en sikan is hadì te Ehipto. Ne is menge kevuwazan ni Israel kemulu ǥihapun is kegkengereǥeni zan tenged te ked-uripena kandan. Ne nengemuyù sikandan wey zan metevangi, ne nekeuma haazà diyà te Megbevayà.
ne migkeǥiyan dan haazà is dezuwa te, “Berakat he siluti kew te Nengazen, su keniyu he vaal is utew ingkeepesi kenami te hadì wey te menge upisyal zin. Is mibeelan niw ne iyan egkehimu he hinungdan te kedhimetayi zan kenami.”
Is kelipey he egketaǥù diyà te ǥehinawa te etew, iyan ibpekesustinir zin emun egkezeruwan, iyan, emun seeng is egketaǥù diyà te ǥehinawa zin ne kenà sikandin ebpekesustinir.
Puun te Buntud he Hor, midhipanew is menge Israilihanen he ziyà med-ikul te zalan he ibpenhendiyà te Zaǥat he Meriǥà, he ebpekeelingkus te tanà he Edom. Piru mibperuvas is menge etew zutun te hipanew zan,
