Biblia Todo Logo
온라인 성경

- 광고 -




Exodus 6:3 - Manobo Western Bukidnon OT

3 Hein mibpaahà a ki Abraham, ki Isaac, wey ki Jacob, nesavut dan he iyan a is Mekeǥeǥehem he Megbevayà. Iyan, wazà a mekepekilala kandan pinaaǥi te ngazan ku he Nengazen.

장을 참조하십시오 복사




Exodus 6:3
23 교차 참조  

Ne zutun inhalin ni Abram is tulda zin, ne ziyà sikandin med-ubpà te uvey te menge kayu he ulayan ni Mamre he ziyà te Hebron, ne mibaal sikandin te pemuhatà para te Nengazen.


Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.


Migngezanan ni Abraham haazà te, “Iyan Ebeǥey is Nengazen.” Ne zuen pa erubasa ǥuntaan he edhenduen te, “Diyà te Buvungan te Nengazen egkeveǥayan kiw te tavang.”


Berakat he tuvazi ka te Megbevayà he Mekeǥeǥehem, ne veǥayi ke zin te mezakel he kevuwazan, su wey ka mehimu he amey te mezakel he grupu te menge etew.


Ne mid-uman megkaǥi is Megbevayà diyà kandin te, “Iyan a sikan is Mekeǥeǥehem he Megbevayà. Edhimuwen ku he mevuwad ka. Egkehimu ka he kepuun te sevaha he nasyun wey te mezakel he menge nasyun, ne egkehimu he hadì is duma he menge kevuwazan nu.


Ne migkaǥi si Jacob diyà te ki Jose te, “Mibpaahà dengan kediey is Mekeǥeǥehem he Megbevayà diyà te inged he Lus he ziyà te Canaan ne zutun midtuvazan e zin.


Kentahi niw is Megbevayà, kentahi niw sikandin te menge kedalig. Deliǥa niw sikandin is ed-untud te ǥapun. Is ngazan din iyan is Nengazen; mebmelipayen kew ziyà te etuvangan din.


Berakat he metueni zan he iyan ka, Nengazen, he iyan dà Utew Lavew he Megbevayà kayi te tivuuk he kelibutan.


Beǥani is Nengazen; Nengazen is ngazan din.


Pemineǥa niw sikandin ne tumana niw is egkeǥiyen din. Kenè kew sukul kandin. Su is langun he ebeelan din, ebeelan din pinaaǥi te ngazan ku ne kenè din ebpekewezaan is menge salè niw, etawa kenè kew zin ebpeseyluwen te menge salè niw.


Ne migkaǥi is Megbevayà diyà te ki Moises te, “Iyan a is Megbevayà he kenà egkahalin. Keǥiyi nu is menge Israilihanen he iyan a is Megbevayà he kenà egkahalin midsuǥù kenikew.”


Iyan a Nengazen, iyan heeyan ngazan ku! Kinahanglan he kenà ibeǥey ziyà te minsan hentei is kediey he zengeg wey kenà idalig diyà te zuma he menge ed-ezapen is kedalig he para kediey.


“Iyan heini egkeǥiyen te Nengazen, kes hadì wey Menluluwas te Israel, he Mekeǥeǥehem he Nengazen: Iyan a kes nehuna wey egkepengkusan te langun. Wazè en duma he Megbevayà gawas kediey.


Migkaǥi is Nengazen te, “Umbe ibpeehè ku kandan is gehem ku wey ebilidad ku su wey zan metueni he iyan a Nengazen.”


Iyan heini migkaǥi te Nengazen he midlimbag wey mibpelastar te kelibutan. Iyan sikandin mibpurma kayi, ne Nengazen is ngazan din:


Keǥiyi nu sikandan he siak, is Nengazen he MEGBEVAYÀ, migkaǥi a te, ‘Hein mibpilì ku is Israel he menge kevuwazan ni Jacob, ne mibpekilala a kandan diyà te Ehipto, nenangdù a ziyà te kandan. Ke siak te, “Iyan a Nengazen he Megbevayè niw.”


Ne egketuenan niw te menge etew ku, he iyan a Nengazen emun ed-ebriyan ku en is menge leveng niw wey ebenhawen ku sikiyu.


Ebeǥayan ku sikiyu te menge uǥat wey menge sapù, ne edtengesen ku sikiyu te lundis. Ebeǥayan ku sikiyu te ǥehinawa ne egkeuyag kew. Ne egketuenan niw he iyan a Nengazen.’ ”


Ne migkaǥi si Naomi te, “Kenè niw iyan kediey ingazan is Naomi, kekenà, iyan niw kediey ingazan is Mara su utew ad egkeseeng is impaantus te merasey te Mekeǥeǥehem he Megbevayà.


우리를 팔로우하세요:

광고


광고