Exodus 5:7 - Manobo Western Bukidnon OT

⁷ “Kenè niw en human beǥayi is menge etew te reǥami he egkaǥamit dan te kebpemaal te menge brik, iyan en human sikandan ibpepen-ahà te reǥami he egkeǥamit dan.

Exodus 5:7 교차 참조

Genesis 11:3

Ne zutun, pesikaǥi zan te, “Ebaal kiw te sevaha he inged he zuen turi he ebpekeuma ziyà te langit, para mehimu kiw he bentuǥan wey para zaan kenè kiw mekedsusuwey kayi te tivuuk he kelibutan.” Umbe mibaal sikandan te brik, ne mid-init dan heini para mebmezesen utew. Brik is migamit dan batu man pezem. Ispaltu is migamit dan wey mekedezeket haazà.

Genesis 24:25

Duen egkehizeǥaan niw ziyà te kenami, wey zekelà daan is menge reǥami he idsamak para te menge kemilyu niw.”

Exodus 5:6

Ne zutun daan he andew, migkeǥiyan te hadì te Ehipto is menge Ehiptohanen he edumala te ebpemenerebahu he menge Israilihanen wey is impepengulu zin kandan he menge Israilihanen te:

Exodus 5:8

Piru is kahabet te menge brik he ebpeveelan niw kandan hein iyan kew pa ebeǥey kandan te reǥami, ne iyan ded kahabet te menge brik he ebpeveelan niw kandan minsan pa te kenè niw en sikandan ebeǥayan te reǥami. Ebpemepepeǥul sikandan, pegelitan dan dà is kedhangyù dan he ipeǥenat sikandan su wey zan mepemuhat is Megbevayè dan.

Zatù 19:19

Duen dey egkekaan wey egkeinum kayi te esawa ku wey suluǥuen ku, wey zuen kumpey te menge asnu zey. Umbe wazè en duma he egkinehenglanen dey.”