Exodus 5:5 - Manobo Western Bukidnon OT

⁵ Migkaǥi med-uman sikandin te, “Kenà ereg he ibpeengked niw te kedterebahu is menge etew su utew sikandan mahabet.”

Exodus 5:5 교차 참조

1 Hadì 12:14

sumalà te sambag kandin duen te menge vetan-en. Migkeǥiyan din sikandan te, “Meveǥat is impetuman te amey ku keniyu, piru meveǥat pa is ibpetuman ku keniyu. Emun midlagkut kew te amey ku te letigu, ne iyan idlagkut ku keniyu is iring te venayew he memeǥarang he putew.”

2 Cronica 10:11

He ke và dà egkegiya, meveǥat pa is ibpetuman ku keniyu kenà is impetuman te amey ku. Emun midlagkut kew te amey ku te letigu, ne iyan idlagkut ku keniyu is iring te venayew he meǥarang he menge putew.”

Exodus 2:11

Ne sevaha he andew, hein dekelè en si Moises, midhendiyà sikandin te lugar he zutun is menge zuma zin he menge Hebriyuhanen, ne neehè din is kemereǥenan dan. Neehè din is sevaha he Ehiptohanen he mibuǥel zin is sevaha he Hebriyuhanen he kezuzumahi ni Moises.

Erubasa 14:28

Is kegkemekeǥeǥehem te hadì ne pinaaǥi te kahabet te menge sakup din; emun wazè din menge sakup ne wazè din daan gehem.