Exodus 5:1 - Manobo Western Bukidnon OT

¹ Ne midhendiyà si Moises wey si Aaron te hadì te Ehipto, ne migkeǥiyan dan te, “Iyan heini migkaǥi te Nengazen he Megbevayà te Israel: ‘Tuǥuti nu he mekeǥenat is menge etew ku, su wey zan mekesilibra te pista para kedì diyà te sibsivayan.’ ”

Exodus 5:1 교차 참조

1 Hadì 21:20

Ne hein naahà ni Ahab si Elias ke sikandin te, “Neehè e ves te kuntada ku!” Midtavak si Elias te, “Uya, midhengkayi a te kenikew su geina te iyan nu zà layun egkesuatan is kebaal te mezaat diyà te etuvangan te Nengazen!

Salmo 119:46

Kenè ku igkeeled is kedtudtul te menge penurù nu minsan diyà te etuvangan te menge hadì.

Exodus 10:3

Ne midhendiyà si Moises wey si Aaron te hadì ne migkeǥiyan dan sikandin te, “Iyan heini migkaǥi te Nengazen he iyan Megbevayà te menge Hebriyuhanen, ‘Sengemenu kun is keluǥayad te kebpelavew nu ziyà te etuvangan ku? Tuǥuti nu te kegenat is menge etew ku su wey zan mekaazap kedì.

Exodus 10:4

Ne emun kenè nu edtuǥutan te kegenat is menge etew ku, ibpeseǥazan ku keeselem te menge etew nu kayi te Ehipto is pigada pinaaǥi te terapan.

Exodus 10:9

Midtavak si Moises te, “Egenat key langun: batà wey meǥurang. Edumahan dey is menge anak dey wey menge uyaǥen dey, su edsilibra key te pista para te Nengazen.”

Exodus 3:18

“Ne ebpemineg kenikew is menge edumala te menge Israilihanen. Ne zumaha nu sikandan diyà te hadì te Ehipto ne keǥiyi niw sikandin te, ‘Is Nengazen, is Megbevayà he ed-ezapen te menge Hebriyuhanen, nekidhinguma kenami. Umbe tuǥuti key te kedhipanew seled te tetelu he andew su edhendiyè key te sibsivayan su ebpemuhaten dey is Nengazen he Megbevayè dey.’

Exodus 33:13

Emun tutuu he nekepenunuat a kenikew, penurua a te menge paaǥi nu su para mekilala ku sikew su wey med-iseg pa is kebpekepenunuat ku kenikew. Tentenuzi nu he menge etew nu heini is menge kevuwazan ni Israel.”

Exodus 4:23

umbe, migkeǥiyan ku sikew he tuǥuti nu he mekeǥenat heeyan is anak ku su wey mekaazap kedì. Iyan, wazè nu tuǥuti he mekeǥenat, umbe edhimetayan ku is kakey he anak nu he maama!’ ”

Exodus 6:11

“Genat ka, ne keǥiyi nu is Faraon he hadì te Ehipto he tuǥuti zin en is menge Israilihanen he egawas te nasyun din.”

Exodus 6:27

Iyan sikandan sikan is nekidlalag te Faraon he hadì te Ehipto mehitenged te kedumaha zan te menge Israilihanen pehendiyà te ǥawas te Ehipto.

Exodus 7:16

Ne keǥiyi nu sikandin te, ‘Midsuǥù a te Nengazen he iyan Megbevayà te menge Hebriyuhanen, su ebpekeǥiyan ke zin he: Tuǥuti nu en is menge etew ku te kegenat su wey zan mekaazap kedì diyà te sibsivayan. Iyan, taman en guntaan ne wazè ka mebpezumazuma.

Exodus 7:2

Egkeǥiyen nu ziyà te suled nu he si Aaron is minsan hengkey he egkeǥiyen ku kenikew, ne iyan sikandin egkaǥi ziyà te hadì he tuǥuti zin he mekeǥawas is menge Israilihanen puun te nasyun din.

Exodus 8:1

ne migkeǥiyan te Nengazen si Moises te, “Hendiyè ka te hadì te Ehipto ne keǥiyi nu sikandin te, ‘Iyan heini lalag te Nengazen diyà te kenikew: Tuǥuti nu is menge etew ku te kegenat su wey zan mekaazap kedì.

Exodus 8:16

Ne migkaǥi is Nengazen diyà te ki Moises te, “Keǥiyi nu si Aaron te ilagkut nu is tuked nu ziyà te tanà, ne egkehimu he rengit is eliyavuk te tanà te tivuuk he Ehipto.”

Exodus 8:17

Ne mibeelan dan heini, ne hein inlagkut ni Aaron diyà te tanà sikan is tuked din, ne mibaluy he menge rengit is eliyavuk diyà te tivuuk he tanà he Ehipto. Ne midhurunan te menge rengit is menge etew wey menge uyaǥen.

Exodus 8:20

Ne migkaǥi is Nengazen diyà te ki Moises te, “Sayu ka enew keeselem ne veyai nu kes hadì te kedhendiyà din te wahig. Ne keǥiyi nu sikandin he iyan heini migkaǥi ku: ‘Tuǥuti nu is menge etew ku te kegenat su wey zan mekaazap kedì.

Exodus 8:27

Umbe, kinahanglan he edtumanen dey is insuǥù kenami te Nengazen he iyan Megbevayè dey he ibpehipanew key zin pehendiyà te sibsivayan seled te tetelu he andew ne human dey sikandin ebpemuhata.”

Exodus 9:1

Ne migkeǥiyan te Nengazen si Moises te, “Hendiyè ka te hadì te Ehipto ne keǥiyi sikandin te, ‘Iyan heini migkaǥi te Nengazen, is Megbevayà te menge Hebriyuhanen: Tuǥuti nu is menge etew ku te kegenat su wey zan mekaazap kedì.

Exodus 9:2

Ne emun kenè nu pa sikandan edtuǥutan he mekeǥenat,

Isaias 25:6

Kayi te Buvungan he Zion, ebpengandam is Nengazen he Mekeǥeǥehem te sevaha he keemuran te para te langun he menge etew. Ne zutun metaam he menge keenen wey menge inumen is id-andam din.

Ezekiel 2:6

Ne sikew is etew, ne kenè ka mahandek. Kenè ka mahandek minsan mesakit is ebpengeǥiyen dan iring te zuǥi etawa kineǥatan te venayew. Kenè ka mahandek emun edhulgaan ke zan, su netuenan nu en he mesinupaken sikandan he menge etew.