Exodus 4:11 - Manobo Western Bukidnon OT

¹¹ Ne migkaǥi is Nengazen diyà te kandin te, “Hentei ves is mibaal te vèbà te etew? Hentei is midhimu kandin he vengel etawa emew? Hentei is midhimu kandin he ebpekaahà etawa midhimu kandin he lakap? Kenè be iyan a, is Nengazen?

Exodus 4:11 교차 참조

Genesis 11:7

Kuwa kew en, edhendiyè kiw, ne ibpedseselekawè tew is kineǥiyan dan su wey zuen mezakel he menge kineǥiyan su wey kenè dan mekedsesevutà.”

Genesis 18:14

Ne mid-uman megkaǥi is Nengazen te, “Duen be minsan hengkey he kenà egkehimu te Nengazen? Sumalà is migkaǥi ku, edlikuan ku sikiyu seled te senge tuig ne ed-anak iyan dutun si Sara te maama.”

Salmo 146:8

ebpekaahà is menge lakap he ebewian din, midlig-enan din is menge meluya, mibmahal zin is menge metazeng,

Salmo 51:15

Nengazen, tevangi a kenikew su wey a mekekaǥi te menge lalag he idalig kenikew, ne edeliǥen ku sikew.

Salmo 94:9

Kenè be is Megbevayà iyan mibaal te menge telinga tew wey menge mata tew? Maan is egkeǥiyen niw he kela ke kenà sikandin ebpekezineg wey ebpekaahà?

Erubasa 20:12

Midhimu te Nengazen is telinga ta su wey ki mekezineg, wey midhimu zin is mata ta su wey ki mekaahà.

Isaias 42:7

su wey mekaahà is menge lakap ne wey zaan ikepeǥawas is menge vihag, he nengepirisu ziyà te merusirem he pirisuwan.

Isaias 6:7

Ne indegkit din haazà diyà te vèbè ku; ke sikandin te, “Indegkit heini ziyà te vivig nu, ne ǥuntaan wazè nu en salà su mibpesaylu ke en.”

Jeremias 1:6

Midtavak a te, “He Nengazen MEGBEVAYÀ, kenà a metau he ebpengaǥikaǥi, ne vetan-en e pa.”

Jeremias 1:9

Ne migkevit te Nengazen is bèbè ku he ke sikandin te, “Idsavuk ku guntaan diyà te vèbè nu is menge lalag ku he egkeǥiyen nu.

Ezekiel 33:22

Dutun te nehuna he kezukileman, te wazè pa mekeuma haazà is etew, midumala a te Nengazen ne nekeuman ad mekekaǥi. Umbe hein meselem he nekeuma haazà is etew, ne ebpekekaǥi ad.

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?