Exodus 4:1 - Manobo Western Bukidnon OT

¹ Ne midtavak si Moises te, “Hengkey is ebeelan ku emun kenà sikandan edtuu kediey etawa kenà sikandan ebpemineg kediey? Su và dan dà egkaǥi te, kenà tutuu he mibpaahà kenikew is Megbevayà.”

Exodus 4:1 교차 참조

1 Hadì 13:3

Dutun he andew, mibeǥey haazà is suluǥuen te Megbevayà te tuus he egketuman heini is migkaǥi te Nengazen. Ke sikandin te, “Egketempag heini he pemuhatà ne egkeulaan is avu kayi he pemuhatà.”

Exodus 2:14

Ne migkaǥi haazà is etew te, “Hentei is mibeǥey kenikew te ketenged te kedatùdatù kayi te kenami? Edhimetayan e ve kenikew iring te kedhimetayi nu zuen te tig-Ehipto?” Ne nahandek si Moises te kegkezineǥa zin dutun su netuenan din he zuen bes netau zuen te mibeelan din.

Exodus 3:15

Migkaǥi zaan is Megbevayà diyà te ki Moises te, “Keǥiyi nu is menge Israilihanen: ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob ne iyan midsuǥù kenikew.’ Kilelaà niw is ngazan ku he Nengazen te wazà pidtemanan.

Exodus 3:16

“Genat ke en ne tiǥuma nu is menge edumala te menge kevuwazan ni Israel ne keǥiyi nu sikandan te, ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob mibpaahà kediey, ne migkeǥiyan e zin te: Ebpurungan kew zin ebentayi, ne egkeehè din is ed-ulaula keniyu te menge Ehiptohanen.

Exodus 3:18

“Ne ebpemineg kenikew is menge edumala te menge Israilihanen. Ne zumaha nu sikandan diyà te hadì te Ehipto ne keǥiyi niw sikandin te, ‘Is Nengazen, is Megbevayà he ed-ezapen te menge Hebriyuhanen, nekidhinguma kenami. Umbe tuǥuti key te kedhipanew seled te tetelu he andew su edhendiyè key te sibsivayan su ebpemuhaten dey is Nengazen he Megbevayè dey.’

Exodus 4:10

Ne migkaǥi si Moises diyà te Nengazen te, “He Nengazen, wazè ku pa meseǥazi is mibmetau a he ebpengaǥikaǥi puun pa zengan taman en guntaan te kebpekidlalag nu kedì te suluǥuen nu. Kenà a metau he epengaǥikaǥi wey ngulit a zaan.”

Exodus 4:30

Ne migkaǥi ni Aaron diyà te kandan is langun he migkaǥi te Nengazen diyà te ki Moises. Wey impaahà ni Moises te menge etew sikan is menge singyal,

Exodus 4:31

ne midtuu sikandan. Ne hein netuenan dan he igkeseeng sikandan te Nengazen wey naahà te Nengazen is kemeresayan dan, midluhud sikandan te ked-azap kandin.

Exodus 6:12

Iyan, migkaǥi si Moises diyà te Nengazen te, “Emun wazà mebpemineg kedì is menge Israilihanen, iyan pe be is hadì? Su kenà a metau he ebpengaǥikaǥi!”

Exodus 6:30

Iyan, migkaǥi si Moises diyà te Nengazen te, “Kenà ebpemineg kedì is hadì su kenà a metau he ebpengaǥikaǥi.”

Jeremias 1:6

Midtavak a te, “He Nengazen MEGBEVAYÀ, kenà a metau he ebpengaǥikaǥi, ne vetan-en e pa.”

Ezekiel 3:14

Imbayew a te Mulin-ulin ne mid-uwit e zin pehendiyà te meziyù. Neǥezam ku kayi te ǥehinawa ku is kegkesekiti wey kegkeepes, piru mibeyveyaan a te Nengazen.

Zatù 6:17

Midtavak si Gideon te, “Emun nekepenunuat a kenikew, ne ipaahà a kenikew te tuus he tutuu he iyan ka midsuǥù kedì.