Exodus 32:1 - Manobo Western Bukidnon OT

¹ Ne hein neseǥipà te menge etew he neuǥet en he wazà meketupang si Moises diyà te kandan, ne mid-amur-amur zan diyà te ki Aaron, ke sikandan te, “Kela ke zuen en mezaat he neulaula zuen te etew he si Moises he nengulu kenitew te kegawas diyà te Ehipto; umbe veeli key te ed-ezapen he ebpekepengulu kenami.”

Exodus 32:1 교차 참조

Genesis 19:14

Ne zutun mibeyaan ni Lot is menge maama he nekekaǥun te menge anak din, ke sikandin te, “Kuwa kew en su ebpelaǥuy kiw kayi su edlimasen en te Nengazen heini is inged tew.” Piru wazè dan mebpemineg su kunaan dan ke suyat dà haazà ni Lot.

Genesis 21:26

Ne migkaǥi si Abimelec te, “Wazè ku metueni ke hentei ki vaal heini. Wazè nu keǥiya kediey ne sikan ku pa mezineg.”

Genesis 39:8

Ne si Jose, wazè din pemineǥa, kekenà, migkeǥiyan din te, “Sikan is egalen ku, wazà igkesamuk din he minsan hengkey tenged te insarig din kediey is langun he menge azen din.

Genesis 44:15

Migkeǥiyan ni Jose sikandan te, “Hengkey heini is mid-ulaula niw? Wazè niw ves metueni he metau a he edtagnà?”

Genesis 44:4

Ne hein kenè pa utew meziyù is imbayè dan migkaǥi si Jose ziyà te suluǥuen din te, “Gègaani nu telukuni haazà is menge etew ne emun egkesaut nu, keǥiyi nu sikandan te, ‘Maan is utew mezaat is imbales niw te ǥaǥew te egalen ku?

Salmo 106:19

Hein diyà te Horeb is menge Israilihanen mibaal zan te vulawan he vaka ne mid-azap dan haazà.

Exodus 13:21

Emun maandew zutun te kedhipanew zan egiyahan sikandan te Nengazen. Ebpetelihuna kandan sikandin pinaaǥi te mekepal he ǥapun he egkeiring te tukud diyà te egkehunaan dan; ne emun mezukilem, ne pinaaǥi maan te regreg he egkeiring te tukud diyà te egkehunaan dan. Ne iyan haazà ebpeketeyew kandan umbe ebpekehimu sikandan he edhipanew te maandew wey mezukilem.

Exodus 14:11

Ne migkeǥiyan dan si Moises te, “Maan is kayi key pa kenikew zumaha te sibsivayan para mebpatey? Wazè en be penlevengà diyà te Ehipto? Maan is impaawè key pa kenikew ziyà te Ehipto?

Exodus 16:3

Ke sikandan te, “Deyzey pa ke ziyè key zà himetayi te Nengazen hein diyè key pa te Ehipto. Diyà, ne ebayèbayè key te minsan hengkey he egkekaan dey. Piru ǥuntaan, mid-uwit key kayi keniyu te sibsivayan wey key mengeumes.”

Exodus 20:23

Kenè kew mebaal te ledawan he ed-ezapen niw zaan iring te ked-ezapa niw kedì, kenè kew mebaal te ledawan he pelata wey ledawan he vulawan he ed-ezapen niw.

Exodus 24:12

Ne migkeǥiyan en maan si Moises te Nengazen te, “Laus ke pa tekezeg kayi te kediey ne taǥad ka kayi, su ibeǥey ku ziyà te kenikew is melumpipì he menge vatu he midsuratan te menge suǥù ku wey menge penurù he egkesunud keniyan te menge etew.”

Exodus 32:11

Iyan, midhangyù si Moises diyà te Nengazen he iyan Megbevayè din he ke sikandin te, “He Nengazen, maan is utew nu egkepeuki is menge etew nu he impeǥawas nu ziyà te Ehipto pinaaǥi te zekelà he ǥehem nu?

Exodus 32:22

Ne midtavak si Aaron te, “Kenà a kenikew mepeuki su netuenan nu en man he heini is menge etew, susuaten he ebaal te mezaat.

Exodus 32:23

Migkaǥi zan kayi te kedì te, ‘Kela ke zuen en mezaat he nehitavù duen te etew he si Moises he iyan mibpeǥawas kenami ziyà te Ehipto; umbe veeli key te ed-ezapen dey he ebpekepengulu kenami.’

Exodus 32:7

Ne migkeǥiyan si Moises te Nengazen te, “Gègaani nu tupangi sikan is menge etew he mibpenguluwan nu te kegawas diyà te Ehipto su nekevaal zan te mezaat.

Exodus 33:3

Haazà he tanà, ne meupiya wey selebpeten egkeerubasa he ebpuunan te edtudà he ǥatas wey teneb. Piru kenà a mulà eduma keniyu su geina te utew kew mesinupaken ne kela ke kenà a meketigker ne egkezeetan kew kediey te kenè kew pa ebpekeuma.”

Ezekiel 20:8

“ ‘Piru midsupak e zan, ne wazè dan mebpemineg. Wazè dan iselikwey is utew mezaat he menge ed-ezapen diyà te Ehipto. Umbe migkaǥi a te ibpeǥezaman ku kandan is pauk ku zutun te ziyà sikandan te Ehipto.

Hoseas 12:13

Pinaaǥi te ebpeneuven ku he si Moises, ibpeǥawas ku sikiyu is menge Israilihanen diyà te Ehipto wey mid-elimahan ku.

Micas 6:4

Impeǥawas ku pa ganì sikiyu ziyà te Ehipto he zutun kew uripena. Ne mibpilì ku si Moises, si Aaron, wey si Miriam te kebpengulu keniyu.

Numero 14:22

wazà minsan sevaha kandan he ebpekeseled diyà te tanà he insaad ku ziyà te menge kepuun dan. Su minsan neehè dan is mekeǥeǥehem he kebpekiduma ku kandan wey egkengein-inuwan he mibeelan ku ziyà te Ehipto wey ziyà te sibsivayan, layun e zan gihapun egezami wey wazè dan mebpezumazuma kedì. Umbe sikan is menge midselikwey kedì, ne kenà ebpekeseled keniyan he tanà.

Deuteronomio 31:8

Egiyahan ka te Nengazen ne eduma sikandin kenikew; kenè ke zin ed-ewaan wey ed-iniyuǥan. Umbe kenè ka mahandek wey mebpekeluya.”

Deuteronomio 9:1

“Pemineg kew is menge etew te Israel. Guntaan edlayun kew en te Wahig he Jordan su para maangken niw en is menge nasyun he edhuna he dezekelà wey menge mekeǥeǥehem kenà keniyu. Dezekelà is menge inged dan ne memetikang is berengbeng duen su henduen be te ebpekesungkul en diyà te langit.

Deuteronomio 9:9

Hein midtekezeg a zuen te vuntud te kegkuwa zuen te midlumpipì he menge vatu he midsuratan te kebpekid-uyun keniyu, 40 he andew wey 40 he kezukileman is wazà a mekekaan wey wazà a mekeinum.

Josue 7:13

“Hitindeg ka ne keǥiyi nu is menge etew he lumpiyuwi zan is keugelingen dan para te ked-etuvang dan kedì keeselem, tenged te siak, is Nengazen he Megbevayà te Israel, egkaǥi te: ‘He Israel, duen niw in-eles he menge azen he para zà kediey. Kenè kew ebpekesukul te menge kuntada niw mintras wazè pa maawà diyà te keniyu heini he menge azen.’