Exodus 30:1 - Manobo Western Bukidnon OT

¹ “Baal kew te pemuhatà he kayu he ekasya he para tutungà te veyewà.

Exodus 30:1 교차 참조

Leviticus 4:7

Ne ebpelisan din te lengesa sikan is menge sungeysungey te menge suyuk duen te pemuhatà he tutungà te veyewà diyà te seled te Tulda he zutun is Nengazen. Ne sikan is egkesamà he lengesa zuen te vaka ne id-itis din diyà te dizalem duen te pemuhatà he pemuhat he edtutungen. Heini he pemuhatà ne ziyà te uvey te ǥemawan te Tulda.

Exodus 40:5

Isavuk niw sikan is pemuhatà he vulawan he edtutungan te veyewà diyà te etuvangan duen te Kavan te Kebpekid-uyun, ne itaud niw is kurtina ziyà te gemawan duen te Tulda he Ed-ezapan.

2 Cronica 26:16

Piru hein gemhanan en sikandin, ne mibpegalbu en sikandin. Ne iyan heini nekezezaat kandin. Wazà sikandin mebmetinumanen te egkesuatan te Nengazen he Megbevayè din, su midseled sikandin diyà te valey te Nengazen he nenguney medtutung te veyewà duen te pemuhatà.

1 Hadì 6:20

Heini he ruǥu neked-iring is sukud te ketikang din, keluaǥan din, wey keleyatan din, pudu 30 he ǥiek. Is menge elavat wey kisami kayi ne pudu mid-epizi te vulawan, ne vulawan daan is in-apid te tabla he kayu he sidru he mibeelan he pemuhatà.

Leviticus 4:18

Ne pelisi zin te lengesa sikan is menge sungeysungey te menge suyuk duen te pemuhatà diyà te seled te Tulda he zutun is Nengazen. Ne is egkesamà he lengesa ne iitis din diyà te zizalem duen te pemuhatà he pemuhat he edtutungen. Heini he pemuhatà, ne ziyà te uvey te ǥemawan duen te Tulda.

Exodus 30:10

Kesevaha te kada tuig, kinahanglan he edlumpiyuwan ni Aaron sikan is pemuhatà pinaaǥi te kebpelisi te lengesa zuen te menge sungeysungey te menge suyuk kayi. Haazà is lengesa he ibpalis, ne lengesa zuen te pemuhat he para idlumpiyu. Kinahanglan he kenè en ed-engkezan is kebeeli kayi kada tuig pehendiyè en te huziyan he lapis te menge kevuwazan; mid-isip ku heini he segradu utew he pemuhatà.”

Exodus 30:2

Ne haazà, kinahanglan he kuwedradu he 18 he vaney is kelayat din ne 18 zaan he vaney is keluag din, ne 36 he vaney is ketikang din. Ne kinahanglan he zuen kayi menge sungeysungey ziyà te menge suyuk din he idredsè dà is kebpurmaha zuen te kebeeli zuen te pemuhatà.

Exodus 35:15

is pemuhatà he edtutungan te veyewà wey is menge tival kayi; is lana he idlana; is mehemut he veyewà; is kurtina zuen te Tulda he Ed-ezapan;

Numero 3:31

Iyan sikandan daan midseriǥan te ked-atur te menge himan duen te Tulda he Edtelevukaayan he iyan is: Kavan te Kebpekid-uyun, lemisahan, selevukà te sulù, menge pemuhatà, menge gelemiten he egemiten te menge memumuhat emun ebaal zan te vuluhaten dan, wey zuen te kurtina ziyà te seled te Tulda. Kandan he ketengdanan is langun he vuluhaten he egkeǥemitan kayi he menge gelemiten.

1 Hadì 6:22

Ne pudu neepizi te vulawan is diyà te seled dutun te valey ragkes en sikan is pemuhatà he ziyà te seled duen te Utew Segradu he Lugar.

1 Hadì 7:48

Mibpevaal zaan si Solomon kayi he menge gelemiten he para zuen te valey te Nengazen: bulawan he pemuhatà; bulawan he lemisahan he selevukà te supas he ibpemuhat diyà te etuvangan te Megbevayà;

1 Cronica 6:49

Piru iyan dà si Aaron wey is menge kevuwazan din midhimu he menge memumuhat. Iyan sikandan ebpemuhat diyà te pemuhatà te edtutungen wey ziyà te pemuhatà he edtutungan te veyewà. Ne iyan daan sikandan ebaal te zuma he menge vuluhaten he egkelavet sikan is Utew Segradu he Lugar. Ebpemuhat dan su wey mevelukasi is menge Israilihanen puun te menge salè dan. Ebeelan dan heini sumalà te langun he insuǥù ni Moises he suluǥuen te Megbevayà.

1 Cronica 28:18

wey pemuhatà he vulawan he edtutungan te veyewà. Mibpenurù daan ni David si Solomon ke ebmenmenuwen te ebaal is bulawan he kirubin he ebpekelambung is pakpak dan duen te divavew te Kavan te Kebpekid-uyun te Nengazen.

Ezekiel 41:22

pemuhatà he kayu he tetelu he ǥiek kuwedradu wey lelima he ǥiek is ketikang din. Is menge suyuk kayi, pundasyun, wey menge kilid pudu kayu. Ne migkaǥi sikan is etew kayi te kedì te, “Iyan heini lemisahan diyà te etuvangan te Nengazen.”

Exodus 31:8

sikan is lemisahan wey menge gelemiten kayi, sikan is selevukà te sulù he lunsey he vulawan wey is langun he himan kayi, sikan is pemuhatà he tutungà te veyewà,

Exodus 39:38

is bulawan he pemuhatà; is lana he para te idlana; is mehemut he veyewà; is kurtina he para te gemawan duen te Tulda;

Numero 4:11

“Tembuni zan daan te manggad he meitem is kaavuavu zin sikan is pemuhatà he vulawan ne edtembunan dan pa heini te meupiya he kelasi he lundis, ne itaud dan is menge tival para kayi.