Exodus 3:6 - Manobo Western Bukidnon OT

⁶ Ne mid-uman sikandin megkaǥi te, “Iyan a sikan is Megbevayà he ed-ezapen te menge kepuun nu, ed-ezapen a ni Abraham, ed-ezapen a ni Isaac wey ed-ezapen a ni Jacob.” Ne zutun midtembunan ni Moises is dagwey zin su egkahandek he ed-ahà te Megbevayà.

Exodus 3:6 교차 참조

Genesis 12:1

Ne migkaǥi is Nengazen diyà te ki Abram te, “Ewai nu is inged nu, wey is menge kezuzumahi nu, wey is menge pemilya te amey nu, ne hendiyà ka te inged he ibpeehè ku kenikew.

Genesis 12:7

Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.

Genesis 17:3

Ne zutun midlangkeb si Abram diyà te tanà ne migkaǥi en maan kandin is Megbevayà te,

Genesis 24:12

Ne zutun mid-ampù haazà is suluǥuen, “Sikew is Nengazen, Megbevayà te egalen ku he si Abraham, tevangi a ǥuntaan ne ipeehè nu is gaǥew nu te egalen ku he si Abraham.

Genesis 26:24

Dutun te haazà he kezukilemi te kebpekeuma zin diyà, mibpaahà kandin is Nengazen he egkaǥi te, “Iyan a kes Megbevayà te amey nu he si Abraham. Kenè ka mahandek su iyan a zuma nu. Edtuvazan ku sikew ne edhimuwen ku he utew medmezakel is menge kevuwazan nu tenged te suluǥuen ku he si Abraham.”

Genesis 28:13

Ne ziyà te zivavew zutun te heǥezan, neehè din is Nengazen he edhithitindeg ne migkaǥi sikandin te, “Iyan a sikan is Nengazen, is Megbevayà ni Abraham wey ni Isaac. Ibeǥey ku kenikew wey te menge kevuwazan nu heini he tanà is midhizeǥaan nu.

Genesis 28:17

Ne nahandek sikandin, ke sikandin te, “Utew a ebpendeǥubduva kayi he lugar! Ubpeey heini te Megbevayà ne kayi ves is gemawan pehendiyà te langit!”

Genesis 31:42

Emun buwa wazà a tevangi te Megbevayà te amey ku he si Isaac, kes Megbevayà ni Abraham, kela ke midsegseg e en kenikew he wazà uwiten he minsan hengkey. Piru naahà te Megbevayà is kedhaǥù ku wey kedterebahu ku, umbe midawey ke zin geina he mezukilem.”

Genesis 32:9

Ne zutun mid-ampù si Jacob te, “He Megbevayà te apù ku he si Abraham wey Megbevayà te amey ku he si Isaac, iyan ka kes Nengazen he migkaǥi kediey he med-ulì a ziyà te menge kezuzumahi ku, diyà te tanà he zutun a ianak, ne edtuvazan a kenikew.

1 Hadì 18:36

Hein timpu en te kebpemuhat, mid-uvey si Elias he ebpeneuven duen te pemuhatà ne nengemuyù sikandin. Ke sikandin te, “Nengazen he Megbevayà ni Abraham, ni Isaac, wey ni Jacob, ipeehè nu is puriba ǥuntaan he andew he iyan ka Megbevayà te Israel ne suluǥuen a kenikew, ne mibeelan ku heini is langun he vaal su iyan insuǥù nu.

1 Hadì 19:13

Ne hein nezineg haazà ni Elias, midtembunan din is buked din te samput ne migawas sikandin ne midhitindeg diyà te vèbà dutun te surung. Ne zutun duen laǥeng he migkaǥi te, “Elias, hengkey is baal nu kayi?”

Nehemias 9:9

“Neehè nu is ked-antus te menge kepuun dey ziyà te Ehipto. Nezineg nu is kebuyù dan te tavang diyà te kenikew hein diyè sikandan te Zaǥat he Meriǥà.

Ester 3:4

Midtavak sikandin te sevaha sikandin he Judio. Kada andew ne ed-iniyaten sikandin te menge iring din he menge upisyal piru kenà iyan sikandin ebpezumazuma. Umbe impesayud dan ki Haman haazà su wey zan metueni ke ebey-anan dè be sikandin ni Haman.

Salmo 132:2

Tentenuzi nu is saad din diyà te kenikew, Nengazen, is Mekeǥeǥehem he Megbevayà ni Jacob. Midsaad sikandin he ke sikandin te,

Exodus 15:2

Is Nengazen iyan ebeǥey kedì te zesen, wey iyan sikandin egkekanta ku. Iyan sikandin menluluwas ku. Iyan sikandin Megbevayè ku, ne edeliǥen ku sikandin. Megbevayà sikandin te menge kepuun ku, ne ebentuǥen ku sikandin.

Exodus 29:45

Edlumun a keniyu te menge kevuwazan ni Israel ne egkehimu a he Megbevayè niw.

Exodus 3:16

“Genat ke en ne tiǥuma nu is menge edumala te menge kevuwazan ni Israel ne keǥiyi nu sikandan te, ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob mibpaahà kediey, ne migkeǥiyan e zin te: Ebpurungan kew zin ebentayi, ne egkeehè din is ed-ulaula keniyu te menge Ehiptohanen.

Exodus 33:20

Kenè ku ibpaahà kenikew is kebuvuked ku su ebpatey is ebpekaahà kedì,

Exodus 4:5

Ne migkaǥi is Nengazen te, “Pinaaǥi keniyan he singyal ebpeketuu zan he, is Nengazen, he Megbevayà he ed-ezapen te menge kepuun dan he si Abraham, si Isaac, wey si Jacob, iyan mibpaahà kenikew.”

Jeremias 24:7

Idsavuk ku ziyà te ǥehinawa zan is tinguhà te kegkilala kediey te Nengazen dan. Egkehimu sikandan he menge etew ku ne egkehimu a he Megbevayè dan, su edlikù sikandan kayi te kediey te kedlikù he ebpuun diyà te gehinawa zan.

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Jeremias 32:38

Egkehimu sikandan he menge etew ku ne egkehimu a he Megbevayè dan.

Ezekiel 11:20

Edtumanen niw en is menge suǥù ku wey menge sulunuzen. Egkehimu kew he menge etew ku, ne egkehimu a he Megbevayè niw.

Zacarias 8:8

Ed-umanan ku sikandan ed-uwita ziyà te Jerusalem ne ibpeubpè ku zutun. Ne egkehimu en maan sikandan he menge etew ku ne egkehimu a he Megbevayè dan he metinumanen wey metazeng.”

Deuteronomio 6:3

Pemineg kew, is menge etew te Israel, ne purungi niw tumana is menge suǥù din su wey mebmeupiya is kebpekesavuk niw wey para mepurung kew mevuwad duen te meupiya he tanà wey uuzaran, sumalà is impenaad keniyu te Nengazen he Megbevayà te menge kepuun niw.

Zatù 13:22

Migkeǥiyan ni Manoa is esawa zin te, “Siguradu ebpatey ki su neehè ta is Megbevayà.”