Exodus 3:12 - Manobo Western Bukidnon OT

¹² Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”

Exodus 3:12 교차 참조

Genesis 15:1

Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

Genesis 15:8

Ne zutun migkaǥi si Abram te, “He Nengazen he Megbevayà, hengkey is tuus wey ku metueni he egkaangken ku heini?”

Genesis 26:3

Kayi ke zà ubpà dèpa su edumahan ku sikew wey edtuvazan ku sikew. Ibeǥey ku heini kenikew wey ziyà te menge kevuwazan nu heini is langun he tanà. Edtumanen ku is pesarig ku te amey nu he si Abraham.

Genesis 31:3

Migkeǥiyan te Nengazen si Jacob te, “Ulì ke en diyà te lugar he mid-ubpaan te menge kepuun nu, ziyà te menge kezuzumahi nu, ne iyan a eduma kenikew.”

2 Hadì 19:29

Ne migkeǥiyan ni Isaias si Hezekia te: “Iyan heini tuus he edipinsahan te Nengazen is Jerusalem te kedezaat te menge tig-Asiria: Guntaan he tuig is egkekaan niw, iyan is menge veǥas te pinemula he nenuvù dà, ne ed-ilis he tuig iyan is beǥas te menge pinemula he nenuvù diyà te midtuvuan duen te nehuna. Piru te iketelu he tuig, ebpekepemula kew en te trigu ne ebpekeraǥun kew en. Ebpekepemula kew en daan te paras ne ebpekekaan kew te veǥas kayi.

1 Cronica 9:20

Si Finehas he anak ni Eleazar he iyan is nehuna he midseriǥan he ibpevantey zutun te ǥemawan, ne midumahan sikandin te Nengazen.

Salmo 86:17

Ipetuusi nu kayi te kediey is keupiya nu su wey mepeel-elezi is menge kuntada ku ke egkeehè dan haazà. Su iyan ka, Nengazen, edtavang wey ebeǥey kedì te kelipey.

Exodus 18:5

Ne midhendiyà si Jetro, wey is esawa ni Moises he si Sipora wey sikan is dezuwa he anak dan te kampu eni Moises diyà te sibsivayan he uvey te vuntud te Megbevayà.

Exodus 3:1

Ne sevaha he andew, ebantey si Moises te menge uyaǥen te enuǥang din he si Jetro he memumuhat diyà te Midian. Ne midtundan ni Moises haazà is menge uyaǥen pehendiyà te hunaan te sibsivayan ne nekeuma zan diyà te Horeb, kes buntud te Megbevayà.

Exodus 3:13

Ne migkaǥi en maan si Moises diyà te Megbevayà te, “Emun edhendiyà a te menge Israilihanen ne egkeǥiyan ku sikandan te, ‘Midsuǥù a zini te keniyu te Megbevayà he ed-ezapen te menge kepuun niw,’ kela ke egkaǥi sikandan te, ‘Hentei is ngazan din?’ Emun iyan haazà, hengkey ve is egkeǥiyen ku ziyà te kandan?”

Exodus 33:14

Ne migkaǥi is Nengazen te, “Edumahan ku sikew, wey ibpehimeley ku sikew.”

Exodus 4:12

Umbe, genat ke en ne ed-uǥupan ku sikew te kegkaǥi wey ibpenurù ku kenikew ke hengkey is egkeǥiyen nu.”

Exodus 4:15

Lelaǥi nu sikandin, ne ipenurù nu kandin is egkeǥiyen din. Ne ed-uǥupan ku sikiyu is dezuwa te kegkaǥi, wey ibpenurù ku keniyu is ereg he ebeelan niw.

Exodus 8:27

Umbe, kinahanglan he edtumanen dey is insuǥù kenami te Nengazen he iyan Megbevayè dey he ibpehipanew key zin pehendiyà te sibsivayan seled te tetelu he andew ne human dey sikandin ebpemuhata.”

Isaias 37:30

Ne migkeǥiyan ni Isaias si Hezekia te: Iyan heini tuus he edipinsahan te Nengazen is Jerusalem te kedezaat te menge tig-Asiria: Guntaan he tuig is egkekaan niw, iyan is menge veǥas te pinemula he nenuvù dà, ne ed-ilis he tuig iyan is beǥas te menge pinemula he nenuvù diyà te midtuvuan duen te nehuna. Piru te iketelu he tuig, ebpekepemula kew en te trigu ne ebpekeraǥun kew en. Ebpekepemula kew en daan te paras ne ebpekekaan kew te veǥas kayi.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Isaias 7:14

Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’

Jeremias 1:8

Kenè ka mahandek te menge etew su eduma a is edtavang kenikew.”

Numero 16:28

Migkeǥiyan ni Moises is menge etew te, “Pinaaǥi kayi egketuenan niw he iyan midsuǥù kedì is Nengazen te kebaal kayi he menge vaal, ne kenà kediey zà he suat!

Numero 23:21

Wazè ku naahà he kezeetan etawa kelised he egkehitavù diyà te Israel. Mibpekiduma kandan is Nengazen he Megbevayè dan; egkilelaan dan sikandin he hadì dan.

Deuteronomio 31:23

Ne mibmenduan te Nengazen si Josue he anak ni Nun te: “Mebpekezesen ka wey mebpekevurut ka, su iyan ka ed-uwit te menge Israilihanen diyà te tanà he impenangdù ku kandan, ne eduma a kenikew.”

Josue 1:5

“Wazà ebpekezaag kenikew mintras uuyag ke pa. Su ebpekiduma a kenikew iring te kebpekiduma ku ki Moises. Kenè ku sikew ed-ewaan wey ebpesegdanen.

Zatù 6:12

Ne mibpaahà ki Gideon is belinsuǥuen te Nengazen ne migkaǥi te, “Sikew is mevurut wey mezesen he etew, duma nu is Nengazen.”

Zatù 6:16

Migkaǥi is Nengazen te, “Edtevangan ku sikew, ne egkehimu nu te edezaat is menge Midianhen he henduen te ebpekidtebek ke zà te sevaha he etew.”

Zatù 6:17

Midtavak si Gideon te, “Emun nekepenunuat a kenikew, ne ipaahà a kenikew te tuus he tutuu he iyan ka midsuǥù kedì.

Zatù 6:21

Ne insenggir zuen te velinsuǥuen te Nengazen is tuked he egewezan din duen te keenen. Ne segugunà midlepew is regreg puun duen te vatu, ne migkaan dutun te hapuy sikan is usa wey supas. Ne nahanew sikan is belinsuǥuen.

Zatù 7:11

Pemineǥa niw ke hengkey is egkeǥiyen dan ne siguradu ebmevurut ka he edsurung pinaaǥi te egkezineg nu.” Umbe migenat sikandan is dezuwa pehendiyà te dulunà te kampu te menge Midianhen, he zuen duen ebantey he menge sundaru.

1 Samuel 14:10

Piru emun egkaǥi zan te iyan ki edtekezeg, edtekezeǥan ta sikandan, su iyan tuus haazà he ibpezaag te Nengazen sikandan kenita.”