Exodus 27:3 - Manobo Western Bukidnon OT

³ Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge dezekelà he tinidur he para te usa, wey is menge selevukà te vaǥa.

Exodus 27:3 교차 참조

1 Hadì 7:40

Mibpevaal zaan sikandin te menge diniyun, menge pala, wey menge yehung he egemiten te kebpemirikpirik. Nengepasad haazà ni Huram is langun he mibpeveelan kandin ni Hadì Solomon he para zutun te valey te Nengazen. Ne iyan heini mibeelan din:

1 Hadì 7:45

is menge diniyun, menge pala, menge yehung, wey zuma pa he menge gelemiten. Is langun kayi he menge vutang he para zuen te valey te Nengazen, he mibeelan ni Huram para ki Hadì Solomon, ne pudu heini brunsi he impesinew.

1 Hadì 7:50

is lunsey he vulawan he menge vasu, menge ibpenamped te menge pebilu, menge yehung, menge keluzà, wey menge teleǥuey te veyewà; is bulawan he menge bisagra he para te menge gemawan te Segradu he Lugar wey para mismu zuen te valey te Nengazen.

2 Hadì 25:14

Migkuwa zan daan is menge karà, menge pala, menge penamped te pebilu, menge tasa, wey is duma pa he menge gelemiten he brunsi zutun te Baley te Nengazen.

2 Hadì 25:15

Mibpenguwa zaan ni Nebuzaradan is menge selevukà te vaǥa, is menge yehung, wey is duma pa he vulawan wey pelata he menge gelemiten.

1 Cronica 28:17

te vulawan he menge tinidur he dezekelà; te menge yehung he vulawan wey pitsil; te vulawan wey pelata he menge pinggan,

2 Cronica 4:11

Mibpevaal zaan sikandin te menge diniyun, menge pala, wey menge yehung he egemiten te kebpemirikpirik. Nengepasad haazà is langun he mibpeveelan ni Solomon ki Huram he para zutun te valey te Megbevayà. Ne iyan heini mibeelan din:

2 Cronica 4:16

is menge diniyun, menge pala, menge zezekelà he menge tinidur he para te usa, wey zuma pa he menge ǥelemiten. Is langun kayi he menge vutang para zuen te valey te Nengazen, he mibeelan ni Huram para ki Hadì Solomon, ne pudu heini brunsi he impesinew.

Exodus 24:6

Ne midliwazà ni Moises is lengesa, is liwazà in-ahuk din diyà te menge yahung ne is sevaha he liwazà impirik din duen te pemuhatà.

Exodus 27:19

Kinahanglan he pudu brunsi is langun he menge idhiman duen te Tulda he Ed-ezapan ragkes is langun he menge palpal he ibanting dutun te tulda wey is menge kurtina ziyà te lama kayi.

Exodus 27:2

Ne veeli niw te sungeysungey is heepat he suyuk dutun, he idredsè dà is kebeeli zuen te kebeeli zutun te pemuhatà. Kinahanglan he ed-epizan te brunsi haazà is pemuhatà.

Exodus 27:4

Baal kew zaan te tuuǥà he brunsi he para zutun te pemuhatà, ne pikiti niw te menge brunsi he mibpen-iring te rintì is kada suyuk dutun.

Exodus 38:3

Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge zezekelà he tinidur he para te usa, wey is menge selevukà te vaǥa.

Leviticus 16:12

Ne egkuwa sikandin te selevukà te veyewà ne ebpenuen din heini te vaǥa he ebpuun diyà te pemuhatà he ziyà te seled te tulda. Ne egkuwa zaan sikandin te zezuwa he kemkem he mehemut he pinu he veyewà, ne ed-uwiten din heini ziyà te Utew Segradu he Lugar.

Numero 4:14

Ne isavuk dan kayi te pemuhatà is langun he ǥelemiten para kayi: is menge selevukà te vaǥa, is dezekelà he menge tinidur he para te usa, is menge pala, wey is menge yehung. Ne tembuni zan heini te meupiya he kelasi he lundis, ne itaud dan is menge tival kayi.