Exodus 22:8 - Manobo Western Bukidnon OT

⁸ Iyan, emun kenà egkezekepan sikan is tekawen ne sikan is impetipig, kinahanglan he ed-etuvang diyà te menge zatù su wey metueni ke migkuwa zin etawa wazà, is mibpetipiǥan kandin.

Exodus 22:8 교차 참조

1 Hadì 8:31

“Emun is sevaha he etew idsumbung he nekesalà diyà te iring din he etew, ne haazà ibpehendiyà te pemuhatà para kenikew kayi te valey nu te kebpenangdù he wazè din salà,

1 Cronica 23:4

Migkaǥi si David te, “Is 24,000 kandan ne iyan edseriǥan te menge ebeelan dutun te valey te Nengazen, ne is 6,000 ne iyan menge upisyal wey menge menhuhusey.

Salmo 82:1

Midumala te Megbevayà is ketiǥuman te menge gemhanan, ne edhukuman din sikandan.

Exodus 21:6

Emun iyan haazà, kinahanglan he ed-uwiten sikandin dutun te egalen din diyà te menge zatù. Ne ed-uwiten sikandin diyà te marku te ǥemawan ne ebusluwen is telinga zin. Ne egkehimu sikandin he uripen dutun te egalen din taman te kemetayen din.”

Exodus 22:28

“Kenè niw sumpelita is Megbevayà wey kenè niw rewaki is ebpengulu keniyu.

Exodus 22:9

“Is minsan hengkey he kesevaan mehitenged te kebpeeǥawà te azen iring te vaka, asnu, kerehidu, manggad, etawa minsan hengkey he netazin he zuma he azen he egkeeǥewaayan, ne iyan is menge zatù edhusey zutun. Ne sikan is egkeǥiyen dutun te menge zatù he iyan egkevenaran, ne ibpevayad te edtekepen is bali zuen te tekew zin en egekeza.

Deuteronomio 16:18

“Pilì kew te menge zatù wey menge upisyal te kada tribu niw ziyà te langun he inged he ibeǥey keniyu te Nengazen he Megbevayè niw. Ne heini sikandan emun ebpenhusey zan ne kinahanglan he wazà egkevintahaan.