Exodus 22:2 - Manobo Western Bukidnon OT

² Emun mezukilem, ke zuen tekawen he egkabra te elavat su wey mekeseled ne zutun nepatey sikandin, ne kenà salà dutun te nekepatey is kegkepetaya zin duen te tekawen.

Exodus 22:2 교차 참조

Job 24:14

Is memumunù edsayu ed-enew su edhimetayan din is pubri, ne emun mezukilem ebpenakew sikandin.

Job 24:16

Emun mezukilem edseled is menge tekawen diyà te menge valey, piru emun maandew ed-eles sikandan, su edlikayan dan is kerayag.

Job 30:5

Edsegseǥen sikandan pehendiyà te meziyù te menge emurè dan te inged, ne egkulehien sikandan he henduen be te menge tekawen.

Jeremias 2:34

Is menge visti niw nezekiyan te lengesa te wazà mekesalà he menge pubri. Mibpenhimetayan niw sikandan minsan wazà sikandan mezekepi he midseled diyà te valey niw te kebpenakew. Ne minsan mibeelan niw heini,

Hoseas 7:1

Egkesuatan ku te ebawì is menge tig-Israel. Piru is egkeehè ku ziyà te kandan iyan is kelelalung dan. Ebpenlimbung sikandan, edseled dan diyà te menge valey is ebpenakew, wey ebpenulis dan diyà te menge zalan.

Joel 2:9

Edsurung dan diyà te inged he ebpemenahik diyà te verengbeng kayi. Ebpemenehikan dan is menge valey ne ziyè dan ebayà te menge sulawà he iring te menge tekawen.

Numero 35:27

ne egkaahà duen te etew he egkesuat he ebales kandin, ne egkehimu ke edhimetayan sikandin dutun te etew. Ne heini is etew he mibales wazè din televaken.