Exodus 21:7 - Manobo Western Bukidnon OT

⁷ “Ne emun ibpeuripen te maama is anak din he vahi pinaaǥi te kebelegyaa zin dutun, ne kenà iring te paaǥi te kebpekeǥawas te maama he uripen is paaǥi te kandin he kebpekeǥawas te kegkeuripen su kenà mulà sikandin ebpekeǥawas dutun te ikepitu he tuig.

Exodus 21:7 교차 참조

Nehemias 5:5

Ne Judio key man daan iring kandan, wey Judio zaan is menge anak dey, piru sikami mulà kinahanglan he ibpeuripen dey kandan is menge anak dey su wey key mekeselapì. Iyan tutuu is, nengeuripen en is duma he menge anak dey he vahi su ingkevelegyè dey en. Piru wazà duma he egkehimu zey su is menge vevesukè dey wey menge pemuleey zey te paras ne egkaangken en te zuma.”

Exodus 21:6

Emun iyan haazà, kinahanglan he ed-uwiten sikandin dutun te egalen din diyà te menge zatù. Ne ed-uwiten sikandin diyà te marku te ǥemawan ne ebusluwen is telinga zin. Ne egkehimu sikandin he uripen dutun te egalen din taman te kemetayen din.”

Exodus 21:8

Ne emun kenà sikandin ebpekepenunuat dutun te egalen din he teǥiuripen kandin, kinahanglan he velukasi sikandin te pemilya zin. Iyan, wazè en ketenged dutun te egalen te kebelegyà dutun te vahi ziyà te menge lumelengyawà su iyan haazà is egalen midsupak te kuntrata.