Exodus 21:1 - Manobo Western Bukidnon OT

¹ Migkaǥi is Nengazen diyà te ki Moises, “Iyan heini menge sulunuzen he ibpetuman nu te menge Israilihanen:

Exodus 21:1 교차 참조

1 Hadì 6:12

“Emun edtumanen nu is menge penurù ku wey menge suǥù ku, ne edtumanen ku zaan pinaaǥi kenikew is impenaad ku ziyà te amey nu he si David. Is menge etew ku he Israilihanen, ed-ubpà a zuma kandan kayi te valey ku he mibangun nu ne kenè ku sikandan ed-iniyuǥan.”

2 Cronica 19:10

Ne emun duen samuk he egkehitavù diyan te keniyu he vaal te menge zuma niw ziyà te minsan hendei he inged he zuen kelevetan te kedhimatey wey zuma pa he paaǥi te kebpekesupak te menge suǥù wey menge sulunuzen, petizeeni niw sikandin he kenè dan mebaal te salà diyà te Nengazen, su wey kenà mepauk sikandin keniyu wey diyà te kandan. Ul-ulaha niw heini para kenè kew mekesalà.

Nehemias 10:29

nesevaha key te kebpenangdù duma te menge pengulu zey he edtumanen dey is Kesuǥuan he imbeǥey te Megbevayà pinaaǥi te suluǥuen din he si Moises. Nenangdù key zaan he edewaten dey is rawak te Megbevayà emun kenè dey egketuman is insaad dey he ed-ikulen dey is langun he menge suǥù wey menge sulunuzen he imbeǥey te Nengazen he Megbevayè dey.

Salmo 147:19

Impahayag din is menge lalag din, menge sulunuzen he ibpesunud din, wey menge suǥù din diyà te menge tig-Israel he menge kevuwazan ni Jacob.

Exodus 19:7

Ne tenged dutun midtupang si Moises he ebpuun diyà te vuntud ne midtawag din is menge edumala zutun te menge Israilihanen ne midtudtulan din sikandan dutun te migkaǥi kandin te Nengazen.

Ezekiel 20:11

Ne zutun imbeǥey ku kandan is menge suǥù ku wey menge sulunuzen he ereg he edtumanen dan para mebpedayun is kegkeuyag-uyag dan.

Ezekiel 20:25

Umbe, mibey-anan ku en sikandan he ebpedayun edtuman te menge suǥù wey menge sulunuzen he kenà meupiya wey kenà ebpekeveǥey kandan te meluǥayad he untung.

Leviticus 20:22

Tumana niw is langun he menge sulunuzen he ibpesunud ku wey is menge suǥù ku su wey ku sikiyu kenà ipaawà diyà te tanà he ed-uwitan ku keniyu he egkeubpaan niw.

Malakias 4:4

“Tentenuzi niw is Kesuǥuan te suluǥuen ku he si Moises. Haazà he menge suǥù wey menge sulunuzen, imbeǥey ku kandin diyà te Horeb he para te langun he menge etew te Israel.

Numero 35:24

edumahan sikandin wey is etew he egkesuat he ebales diyà te kezekelan ne edhukuman sikandin sumalà kayi te nekaǥi en he sulunuzen:

Numero 36:13

Iyan haazà menge suǥù wey menge sulunuzen he imbeǥey te Nengazen diyà te menge Israilihanen pinaaǥi ki Moises hein diyà sikandan te menge suǥud te Moab he ziyà te Jordan he uvey te Jerico.

Deuteronomio 15:12

“Emun duen duma nu he Hebriyuhanen, maama man etawa vahi, he ebpeuripen kenikew, ne ebpekepenilbi en sikandin kenikew seled te heenem he tuig, ne zutun te ikepitu he tuig kinahanglan he ipeǥawas nu en sikandin te kegkeuripena nu kandin.

Deuteronomio 4:14

Dutun he timpu impepenurù kew kedì te Nengazen te menge suǥù wey menge sulunuzen he kinahanglan he edtumanen niw zutun te ked-ubpè niw ziyà te tanà he egkaangken niw.

Deuteronomio 4:45

menge penurù, wey menge sulunuzen dutun te kedligewang dan puun te Ehipto

Deuteronomio 4:5

“Ibpenurù ku keniyu is menge suǥù wey menge sulunuzen he imbeǥey kedì te Nengazen he Megbevayè ku, su para mesunud niw heini emun ebpekeuma kew en duen te tanà he ebpeveyaan niw wey ed-engkenen niw.

Deuteronomio 4:8

Ne wazè en daan duma he mekeǥeǥehem he nasyun he zuen dan menge suǥù wey menge sulunuzen he iring te ibpenurù ku ǥuntaan diyà te keniyu.

Deuteronomio 5:1

Impaamur-amur ni Moises is langun he menge kevuwazan ni Israel ne migkeǥiyan din te, “Sikiyu is menge Israilihanen, pemineǥa niw is menge suǥù wey menge sulunuzen he ibeǥey ku keniyu ǥuntaan. Istudyuwi niw heini ne sunuza niw.

Deuteronomio 5:31

Ne petaǥak ka kayi te kediey su para ikeveǥey ku kenikew is langun he suǥù wey menge sulunuzen he igkepenurù nu kandan he sunuza zan te ked-ubpè dan duen te tanà he ibeǥey ku kandan para maangken dan.’

Deuteronomio 6:1

“Iyan heini menge suǥù wey menge sulunuzen he imbeǥey kedì te Nengazen he Megbevayè niw su wey ikepenurù diyà te keniyu. Tumana niw heini zutun te ked-ubpè niw zuen te tanà he ed-engkenen niw he ziyà layun te Jordan,

Deuteronomio 6:20

“Dutun te huziyan he timpu, emun ed-insà diyà te keniyu is menge anak niw ke, ‘Hengkey is ibpesavut te menge penurù, menge sulunuzen, wey menge kesuǥuan he inmandù keniyu te Nengazen he Megbevayè tew?’