Exodus 20:2 - Manobo Western Bukidnon OT

² “Iyan a Nengazen he Megbevayè niw, iyan a mibpeǥawas keniyu ziyà te Ehipto he zutun kew uripena.

Exodus 20:2 교차 참조

1 Hadì 18:39

Ne hein naahà haazà te langun he menge etew zutun, midlangkeb dan is egkaǥi te, “Is Nengazen, iyan Megbevayà! Is Nengazen iyan Megbevayà!”

2 Hadì 17:12

Mid-azap dan te zuma he menge ed-ezapen. Minsan pa te migkaǥi is Nengazen te, “Kenè kew med-azap te zuma he menge ed-ezapen.”

2 Hadì 17:7

Nehitavù heini ziyà te menge tig-Israel su geina te nekesalè dan diyà te Nengazen he Megbevayè dan he mibpeǥawas kandan diyà te Ehipto wey te kebeyveyai kandan te Faraon he hadì te Ehipto. Mid-azap sikandan te zuma he menge ed-ezapen

2 Cronica 28:5

Umbe, imbeǥey sikandin te Nengazen he Megbevayè din diyà te hadì te Aram. Nezaag sikandin te menge Aramihanen wey mezakel is menge sakup din he nengevihag diyà te Damascus. Imbeǥey zaan sikandin diyà te hadì te Israel, he nenhimatey te mezakel he menge sakup din.

Salmo 50:7

Migkaǥi pa is Megbevayà te, “Sikiyu is menge etew ku, pemineǥa niw is egkeǥiyen ku. Iyan a Megbevayà, kes Megbevayà he iyan ed-ezapen niw; iyan a ebpenistiǥus te ebpekesuǥat keniyu te menge tig-Israel.

Salmo 81:10

Iyan a kes Nengazen he iyan Megbevayè niw he iyan kes mibpeǥawas keniyu ziyà te Ehipto. Buyù kew kayi te kediey ne ebeǥayan ku sikiyu te menge kinahanglan niw.

Salmo 81:11

Piru sikiyu is menge Israilihanen he menge etew ku, wazè kew mebpemineg wey mebpezumazuma kedì.

Salmo 81:7

Hein egkereǥenan kew mid-umew a keniyu ne midlibri ku sikiyu. Ne ziyà te mid-elesan ku he kivel midtavak ku is umew niw. Ne migezaman ku sikiyu ziyà te serebseb te Meriba.

Exodus 13:14

Dutun te huziyan he timpu, emun ed-insà is menge anak niw ke hengkey is ibpesavut dutun, ne ke sikiyu te, ‘Impeǥawas kiw te Nengazen puun diyà te Ehipto su midlibri kiw zin te kegkeuripena kenitew pinaaǥi te kegemita zin te ǥehem din.

Exodus 13:3

Ne migkeǥiyan ni Moises is menge etew te, “Tentenuzi niw heini he andew is andew te kebpeǥewasa keniyu ziyà te Ehipto, he zutun kew mengeuripen, ne tenged te kebpeǥewasa zin keniyu zutun pinaaǥi te mekeǥeǥehem he velad din. Kenè kew kaan te edtepayan.

Exodus 15:13

Tenged te hizu nu he ebpedayun, mibpenguluwan nu is menge etew he midlibri nu. Pinaaǥi te zesen nu, egiyahan nu sikandan pehendiyà te segradu he ubpeey nu.

Exodus 15:16

“Uya, utew sikandan egkulbai. Pinaaǥi te ǥehem nu ebpeketireneb sikandan iring te vatu, taman te nekesaǥad en is menge etew he midlibri nu.

Exodus 15:26

Ke sikandin te, “Emun ebpurungan niw ebpemineǥa is lalag ku te Nengazen he Megbevayè niw, wey emun iyan niw ebeelan is mid-isip ku he hustu, wey emun daan kenè niw ebey-anan is menge sulunuzen wey menge suǥù ku, kekenà, ebpezumdumahan niw, ne kenè ku sikiyu ebpeeǥiyan te minsan hengkey he zaru he impaaǥi ku ziyà te Ehipto, su iyan a is Nengazen ebawì keniyu.”

Exodus 20:1

Ne migkaǥi is Megbevayà,

Exodus 29:46

Ne egketuenan niw he iyan a is Nengazen he Megbevayè niw, mibpeǥawas keniyu ziyà te Ehipto su para mekelumun a ziyà te keniyu. Iyan a is Nengazen Megbevayè niw.

Exodus 6:6

Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.

Isaias 43:3

Su iyan a, is Nengazen Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Jeremias 16:14

“Piru egkeuma zed is timpu he is menge etew kenè en maan ebpenangdù pinaaǥi te kegkaǥi te, ‘Ebpenangdù a pinaaǥi te uuyag he Nengazen he mibpeǥawas te menge Israilihanen diyà te Ehipto.’

Jeremias 2:6

Wazè e zan en pen-ahaa minsan pa te iyan a mid-uwit kandan diyà te gawas te Ehipto, ne migiyahan ku sikandan pehendiyà te sibsivayan he wazà duen menge pinemula. Haazà he tanà disirtu, duen menge vudsi, memaza, dilikadu, wey wazà duen ed-ubpà wey minsan edsaǥad.

Jeremias 31:1

Mibpedayun pa megkaǥi is Nengazen te, “Dutun he timpu, egkehimu a he Megbevayà te langun he pemilya te Israel, ne egkehimu zan he menge etew ku.

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Ezekiel 20:19

Iyan a is Nengazen Megbevayè niw. Purungi niw tumana is menge suǥù ku wey menge sulunuzen.

Ezekiel 20:5

Keǥiyi nu sikandan he siak, is Nengazen he MEGBEVAYÀ, migkaǥi a te, ‘Hein mibpilì ku is Israel he menge kevuwazan ni Jacob, ne mibpekilala a kandan diyà te Ehipto, nenangdù a ziyà te kandan. Ke siak te, “Iyan a Nengazen he Megbevayè niw.”

Ezekiel 20:7

Ne migkeǥiyan ku sikandan te, “Iselikwey niw en is utew mezaat he menge ed-ezapen niw. Kenè niw remeriki is keugelingen niw pinaaǥi te ked-azap te menge ed-ezapen diyà te Ehipto, su iyan a, is Nengazen Megbevayè niw.”

Hoseas 12:10

“Nekidlalag a te menge ebpeneuven ne zuen mahabet he impelewasan ku kandan. Pinaaǥi kandan mibpetizeenan ku sikiyu he egkezeetan kew.

Hoseas 13:4

“Iyan a kes Nengazen he Megbevayè niw he mibpeǥawas keniyu ziyà te Ehipto. Kinahanglan he wazè en duma he egkilelaan niw he Megbevayà wey Menluluwas, kekenà, iyan e zà.

Leviticus 11:45

Iyan a Nengazen he mibpeǥawas keniyu puun te Ehipto su wey a mehimu he Megbevayè niw. Umbe mebpekesegradu kew su waǥas a.

Leviticus 19:36

Gemita niw is hustu he timbangan, tekesà, wey sukud. Iyan a kes Nengazen he Megbevayè niw he mibpeǥawas keniyu ziyà te Ehipto. Tumana niw is langun he menge sulunuzen he ibpesunud ku wey menge suǥù ku.

Leviticus 25:38

Iyan a kes Nengazen he Megbevayè niw he mibpeǥawas keniyu puun te Ehipto su wey ku ikeveǥey keniyu is tanà te Canaan ne wey a mehimu he Megbevayè niw.

Leviticus 25:42

Menge uripen ku sikiyu is menge Israilihanen he impeǥawas ku puun te Ehipto. Umbe kenè niw ivelegyà is keugelingen niw pinaaǥi te kebpeuripen.

Leviticus 25:55

Umbe, wazà keniyu egkeuripen taman te taman, su menge uripen ku sikiyu, sikiyu is imbpeǥawas ku puun te Ehipto. Iyan a kes Nengazen he Megbevayè niw.

Leviticus 26:1

Kenè kew mebaal te menge ed-ezapen iring te ledawan, tedeman he vatu, etawa mibpurma he vatu, he ed-ezapen niw, su iyan a is Nengazen Megbevayè niw.

Leviticus 26:13

Iyan a kes Nengazen he Megbevayè niw he mibpeǥawas keniyu puun te Ehipto su wey kew kenè en meuripen te menge Ehiptohanen. Mibeǥayan ku en sikiyu te vayàbayà umbe wazè en ereg he igkeeled niw.

Amos 2:10

Impeǥawas ku zaan is menge kepuun te menge tig-Israel ziyà te Ehipto, ne seled te 40 he tuig is kegiyahi ku kandan diyà te sibsivayan su wey zan maangken is tanà te menge Amorihanen.

Deuteronomio 13:10

Ebpenulengen sikandin te vatu taman te kebpatey zin su geina te edtinguhà sikandin ebpekeziyù kenikew puun te Nengazen he Megbevayè nu, he mibpeǥawas kenikew ziyà te Ehipto he zutun kew pen-uripena.

Deuteronomio 15:15

Tentenuzi niw he menge uripen kew zengan diyà te Ehipto ne impeǥawas kew te Nengazen he Megbevayè niw. Iyan heeyan hinungdan ke maan is ibeǥey ku heini keniyu he suǥù guntaan.

Deuteronomio 20:1

“Emun edhipanew kew is ebpekidtebek te menge kuntada niw, ne egkeehè niw is menge kudè dan, menge kerwahi wey menge sundaru zan he edhuna he mahabet te keniyu, kenè niw sikandan ikahandek, su zuma niw is Nengazen he Megbevayè niw he mibpeǥawas keniyu ziyà te Ehipto.

Deuteronomio 5:15

Tentenuzi niw he menge uripen kew zaan dengan diyà te Ehipto, ne iyan a, is Nengazen he Megbevayè niw, mibpeǥawas keniyu ziyà pinaaǥi te zekelà he ǥehem ku. Umbe tumana niw is ebpeveelan ku zutun te Andew te Kedhimeley, su iyan a is Nengazen he Megbevayè niw midsuǥù keniyu.

Deuteronomio 5:6

“ ‘Iyan a Nengazen he Megbevayè niw, iyan a mibpeǥawas keniyu ziyà te Ehipto he zutun kew uripena.

Deuteronomio 7:8

Mibpilì kew zin su geina te mahal kew zin wey edtumanen din is penangdù din diyà te menge kepuun niw. Umbe impeǥawas kew zin diyà te Ehipto pinaaǥi te zekelà he ǥehem din, ne migaud kew zin puun te kegkeuripena keniyu te Faraon he hadì te Ehipto.

Zatù 2:1

Midhendiyà is belinsuǥuen te Nengazen te Bokim he ebpuun te Gilgal. Ne migkeǥiyan din is menge Israilihanen te, “Impeǥawas ku sikiyu puun te Ehipto, ne mid-uwit ku sikiyu kayi he tanà te impenaad ku ziyà te menge kepuun niw. Ne migkaǥi a zengan he kenè ku edèdeetan is kebpekid-uyun ku keniyu.

Zatù 6:10

Migkeǥiyan ku sikiyu he iyan a Nengazen he Megbevayè niw ne kinahanglan he kenè niw ezapa is menge ed-ezapen te menge Amorihanen he iyan kew ǥuntaan nekeilis he ed-ubpà diyà te ed-ubpaan dan. Piru wazà a keniyu pemineǥa.’ ”