Exodus 19:3 - Manobo Western Bukidnon OT

³ Ne midtekezeg si Moises diyà te vuntud su ebpekidhinguma te Megbevayà. Mid-umew sikandin te Nengazen he edhenduen te, “Iyan heini keǥiya nu ziyà te menge Israilihanen he kevuwazan ni Jacob:

Exodus 19:3 교차 참조

Exodus 19:20

Mibulus is Nengazen dutun te puntur te Buntud he Sinai, ne zutun migkeǥiyan din si Moises he medtekezeg dutun te puntur te Buntud. Umbe midtekezeg si Moises

Exodus 20:21

Wazà med-awà is menge etew zuen te nepunduwan dan, ne si Moises mulà mid-uvey zuen te mekepal he ǥapun he zutun is Megbevayà.

Exodus 24:12

Ne migkeǥiyan en maan si Moises te Nengazen te, “Laus ke pa tekezeg kayi te kediey ne taǥad ka kayi, su ibeǥey ku ziyà te kenikew is melumpipì he menge vatu he midsuratan te menge suǥù ku wey menge penurù he egkesunud keniyan te menge etew.”

Exodus 24:13

Ne zutun midlaus medtekezeg si Moises diyà te vuntud te Megbevayà duma si Josue he suluǥuen din.

Exodus 3:12

Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”

Exodus 3:4

Ne hein naahà sikandin te Nengazen is malù ed-uvey te kedsusi, nezineg din is ked-umew te Megbevayà he ebpuun dutun te teliwazà te egkeregreg he egkaǥi te, “Moises! Moises!” Ne midtavak si Moises te, “Heini e zed.”

Exodus 34:2

Pengandam ka keeselem ke meselem, ne tekezeg ka ziyà te Buntud he Sinai su wey ki meked-uma ziyà te puntur.

Exodus 34:4

Ne mibasbas si Moises te zezuwa he midlumpipì he vatu he iring duen te nehuna, ne zutun te sunud he andew midselemselem sikandin medtekezeg diyà te Buntud he Sinai is ed-uwit dutun, su iyan haazà insuǥù kandin te Nengazen.

Leviticus 1:1

Midtawag te Nengazen si Moises ne midlelaǥan din diyà te Tulda he Edtelevukaayan. Midsuǥù din si Moises te kegkaǥi kayi ziyà te menge Israilihanen: Emun duen keniyu ebpemuhat te uyaǥen diyà te Nengazen, ne mebpemuhat sikandin te vaka, kerehidu, etawa kambing.