6 Daan he mibpeuwitan ni Jetro si Moises te lalag he edhenduen te, “Siak is enuǥang nu he si Jetro, ebpekeuma a ziyan, ne zuma ku is esawa nu wey is dezuwa he anak nu.”
Ne midhendiyà si Jetro, wey is esawa ni Moises he si Sipora wey sikan is dezuwa he anak dan te kampu eni Moises diyà te sibsivayan he uvey te vuntud te Megbevayà.
Ne tenged kayi midsinuǥung ni Moises is enuǥang din diyà te ǥawas ne midluhud sikandin diyà te etuvangan te enuǥang din wey midhezekan din daan. Ne mibpeinseey sikandan mehitenged te kebpekesavuk te uman sevaha kandan, ne zutun midseled dan diyà te tulda.
Ne migkuwa ni Moises is esawa zin wey sikan is menge anak din he pudu maama, ne impeuntud din sikandan te asnu su egenat dan en pehendiyà te Ehipto. Ne mid-uwit daan ni Moises sikan is tuked te Megbevayà.
