Exodus 16:6 - Manobo Western Bukidnon OT

⁶ Umbe, migkeǥiyan ni Moises wey ni Aaron is langun he menge Israilihanen te, “Kengkuwan te mezukilem, egktuenan niw he iyan is Nengazen mibpeǥawas keniyu puun diyà te Ehipto,

Exodus 16:6 교차 참조

Exodus 6:7

Ed-isipen ku sikiyu he menge etew ku ne iyan a egkehimu he Megbevayè niw. Ne egketuenan niw he siak is Nengazen he Megbevayè niw, iyan a mibpeǥawas keniyu puun te kegkeuripena keniyu te menge tig-Ehipto.

Numero 16:30

Iyan, emun edhimu is Nengazen te egkein-inuwan, ne ebeka is tanà he ed-eveleng kandan he uuyag duma te langun he menge azen dan pehendiyà te kelibutan te menge minatey, ne egketuenan niw he heini he menge etew inselikwey zan is Nengazen.”

Numero 16:28

Migkeǥiyan ni Moises is menge etew te, “Pinaaǥi kayi egketuenan niw he iyan midsuǥù kedì is Nengazen te kebaal kayi he menge vaal, ne kenà kediey zà he suat!

Salmo 77:20

Migiyahan nu is menge etew nu he iring te menge kerehidu, pinaaǥi ki Moises wey ki Aaron.

Exodus 32:11

Iyan, midhangyù si Moises diyà te Nengazen he iyan Megbevayè din he ke sikandin te, “He Nengazen, maan is utew nu egkepeuki is menge etew nu he impeǥawas nu ziyà te Ehipto pinaaǥi te zekelà he ǥehem nu?

Exodus 32:7

Ne migkeǥiyan si Moises te Nengazen te, “Gègaani nu tupangi sikan is menge etew he mibpenguluwan nu te kegawas diyà te Ehipto su nekevaal zan te mezaat.

Exodus 32:1

Ne hein neseǥipà te menge etew he neuǥet en he wazà meketupang si Moises diyà te kandan, ne mid-amur-amur zan diyà te ki Aaron, ke sikandan te, “Kela ke zuen en mezaat he neulaula zuen te etew he si Moises he nengulu kenitew te kegawas diyà te Ehipto; umbe veeli key te ed-ezapen he ebpekepengulu kenami.”

Exodus 16:8

Ne migkaǥi pa si Moises te, “Ebeǥayan kew te Nengazen te usa he egkekaan niw emun mezukilem wey emun meselem egkeveyangan kew te supas su nezineg din is kebegulbul niw ziyà te kandin. Ne egkesavut niw human he kenè key iyan mibegulbulan niw, kekenà, iyan is Nengazen. Hentei key ves is ebegulbulan niw?”

Exodus 16:3

Ke sikandan te, “Deyzey pa ke ziyè key zà himetayi te Nengazen hein diyè key pa te Ehipto. Diyà, ne ebayèbayè key te minsan hengkey he egkekaan dey. Piru ǥuntaan, mid-uwit key kayi keniyu te sibsivayan wey key mengeumes.”

Exodus 12:51

Dutun he andew impeǥawas te Nengazen puun diyà te Ehipto is menge tribu te Israel.

Exodus 6:6

Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.

Salmo 81:11

Piru sikiyu is menge Israilihanen he menge etew ku, wazè kew mebpemineg wey mebpezumazuma kedì.