Exodus 16:4 - Manobo Western Bukidnon OT

⁴ Ne migkaǥi is Nengazen diyà te ki Moises te, “Pemineg ka! Ibpeuzan ku te egkekaan he ebpuun diyà te langit para keniyu. Kada andew ne mebpengamì is menge Israilihanen te egkekaan dan he para zà te haazè dà he andew. Pinaaǥi kayi egezaman ku sikandan ke ebeelan dan be is ibpemeveelan ku kandan wey ke kenà.

Exodus 16:4 교차 참조

Nehemias 11:23

Iyan is hadì ebmandù te menge perekanta vahin te vuluhaten dan kada andew.

Nehemias 9:15

Hein egkevitil sikandan, mibeǥayan nu sikandan te keenen he ebpuun te langit. Ne hein egkemezahan sikandan, impeinum nu sikandan te wahig he ebpuun diyà te vatu. Migkeǥiyan nu sikandan he selezi zan wey engkena zan is tanà he impenangdù nu he ibeǥey nu kandan.

Nehemias 9:20

Imbeǥey nu kandan is meupiya he Mulin-ulin nu he iyan ebpenurù kandan. Wazè ka med-engked he ebpekaan kandan te ‘manna’, ne mibeǥayan nu sikandan te wahig he egkeinum dan ke egkemezahan dan.

Salmo 105:40

Mibuyù dan te keenen, ne mibpeuwitan din sikandan te menge piyuǥù, ne midhantey zin sikandan te keenen he ebpuun te langit.

Salmo 78:23

Piru minsan pa te iyan haazà, midsuǥù din is langit he med-abri,

Exodus 15:25

Ne nengemuyù si Moises diyà te Nengazen, ne zuen riag he impaahà kandin te Nengazen. Intimbag ni Moises haazà dutun te wahig ne mibmeemis haazà is wahig. Ne zutun te Mara migezaman sikandan te Nengazen ne zutun din daan iveǥey is sulunuzen wey suǥù din kandan.

Exodus 16:15

Ne wazè dan metueni ke hengkey haazà, umbe mibpein-inseey sikandan, ke “Hengkey heini?” Ne migkeǥiyan sikandan ni Moises te, “Iyan heini supas he imbeǥey te Nengazen diyà te kenyu he para egkekaan niw.

Erubasa 30:8

Iyan heini: iyan ka metau he kenà a meketarùtarù. Ikezuwa, iyan ka metau he kenà a mehimu he utew egkeey-eyuwi etawa mehimu he sepian su iyan dà egkesuatan ku he zuen ku mekaan te kada andew.

Deuteronomio 8:16

Diyà te sibsivayan, ebeǥayan kew zin te ‘manna’–keenen he wazà hanew zuen te menge kepuun niw. Midhimu heini te Nengazen para kenè kew mekepelavew wey te kegezam keniyu su wey mebmeupiya is kebpekesavuk niw te huziyan he timpu.

Deuteronomio 8:2

Tentenuzi niw ke mibmenumenu te Nengazen he Megbevayè niw is kegiyahi zin keniyu zuen te hipanew niw ziyà te sibsivayan seled te 40 he tuig. Midhimu zin heini su para kenè kew mekepelavew, wey te kegezam keniyu su para metueni ke hengkey is netaǥù diyà te ǥehinawa niw, ke edtumanen niw ve is menge suǥù din etawa kenà.

Josue 24:15

Iyan, emun kenè niw igkelipey is kebpenilbi te Nengazen, pilì kew ǥuntaan he andew ke hentei is edsilbiyan niw. Iyan be is menge ed-ezapen he midsilbiyan te menge kepuun niw ziyà layun te Wahig he Eufrates, etawa iyan is menge ed-ezapen te menge Amorihanen he mid-ubpaan niw ǥuntaan is tanè dan. Piru siak mulà wey is pemilya ku, Nengazen is kenami he edsilbiyan.”