Exodus 16:2 - Manobo Western Bukidnon OT

² Diyà te sibsivayan midriklamu ziyà te ki Moises wey ki Aaron haazà is langun he menge Israilihanen.

Exodus 16:2 교차 참조

Genesis 19:4

Ne zutun te wazè dan pa mekehizeǥà, nemekeuma is langun he menge maama zutun te tivuuk he inged he Sodom, menge kengkenakan wey menge meǥurang he maama, ne midlingutan dan is baley ni Lot.

Salmo 106:13

Piru meǥaan dà ne nelipatan dan en is mibeelan din, ne wazè en sikandan medtaǥad te sambag din.

Salmo 106:25

Mibegulbul sikandan diyà te menge tulda zan, ne wazè dan mebpezumazuma te Nengazen.

Salmo 106:7

Hein diyà te Ehipto is menge kepuun dey, wazè dan seǥipaa is egkein-inuwan he menge vaal nu. Wazè dan tentenuzi is kepipira nu ipaahà kandan he kebmahala nu kandan, ne midsukul zan kenikew hein diyè dan te Zaǥat he Meriǥà.

Exodus 14:11

Ne migkeǥiyan dan si Moises te, “Maan is kayi key pa kenikew zumaha te sibsivayan para mebpatey? Wazè en be penlevengà diyà te Ehipto? Maan is impaawè key pa kenikew ziyà te Ehipto?

Exodus 15:24

Ne mibegulbul is menge Israilihanen diyà te ki Moises he ke sikandan te, “Hengkey is egkeinum tew?”

Exodus 17:3

Piru egkengemezahan utew haazà is menge etew zutun, umbe mibpedayun is kedriklamu zan diyà te ki Moises. Ke sikandan te, “Maan is impeǥawas key pa kenikew ziyà te Ehipto? Ebpematey key zè bes te kegkemezahi kayi duma te menge anak dey wey menge uyaǥen dey.”

Exodus 5:21

ne migkeǥiyan dan haazà is dezuwa te, “Berakat he siluti kew te Nengazen, su keniyu he vaal is utew ingkeepesi kenami te hadì wey te menge upisyal zin. Is mibeelan niw ne iyan egkehimu he hinungdan te kedhimetayi zan kenami.”

Numero 14:22

wazà minsan sevaha kandan he ebpekeseled diyà te tanà he insaad ku ziyà te menge kepuun dan. Su minsan neehè dan is mekeǥeǥehem he kebpekiduma ku kandan wey egkengein-inuwan he mibeelan ku ziyà te Ehipto wey ziyà te sibsivayan, layun e zan gihapun egezami wey wazè dan mebpezumazuma kedì. Umbe sikan is menge midselikwey kedì, ne kenà ebpekeseled keniyan he tanà.