Exodus 15:2 - Manobo Western Bukidnon OT

² Is Nengazen iyan ebeǥey kedì te zesen, wey iyan sikandin egkekanta ku. Iyan sikandin menluluwas ku. Iyan sikandin Megbevayè ku, ne edeliǥen ku sikandin. Megbevayà sikandin te menge kepuun ku, ne ebentuǥen ku sikandin.

Exodus 15:2 교차 참조

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

Genesis 49:18

Ne migkaǥi si Jacob te, “He Nengazen, edteǥad a te kedlibri nu.”

2 Samuel 22:47

Uuyag ka, Nengazen! Edeliǥen ka is endilungè ku he vatu. Ibayew ku sikew tenged te iyan ka Megbevayà he menluluwas ku.

2 Samuel 22:51

Is pinilì nu he hadì ebeǥayan nu te zekelà he menge kezeeǥan. Mahal nu si David wey is menge kevuwazan din te wazà pidtemanan.”

2 Samuel 7:24

Midhimu nu is menge Israilihanen he keet-etawan nu te wazà pidtemanan, wey iyan ka, Nengazen he Megbevayè dan.

2 Samuel 7:5

“Genat ka, ne keǥiyi is suluǥuen ku he si David he iyan heini migkaǥi ku: ‘Iyan ke ves ebpehitindeg te valey he ed-ubpaan ku?

1 Hadì 8:13

Ne ǥuntaan nekepevaal ad te utew mekempet he valey para kenikew, he egkeubpaan nu te wazà pidtemanan.”

1 Hadì 8:27

“Piru, sikew, Megbevayà, tutuu ve iyan he ebpekeubpè ka kayi te tanà? Minsan is langit ne kenè ka ganì ed-ereg minsan diyà te pinekemetikang he vahin kayi, kayi ke pe be vuwa med-ereg te valey he midtukud ku?

1 Cronica 16:14

Iyan sikandin kes Nengazen he Megbevayè tew, ne edhukuman din is tivuuk he kelibutan.

Salmo 109:1

He Megbevayà, he edeliǥen ku, tevaka nu is ked-umew ku kenikew.

Salmo 118:14

Iyan is Nengazen mibeǥey kedì te zesen; iyan sikandin migkanta ku. Iyan sikandin menluluwas ku.

Salmo 118:21

Ebpeselamat a kenikew, Nengazen, su midtavak nu is ked-ampù ku. Ne iyan ka midluwas kediey.

Salmo 118:28

Nengazen, iyan ka Megbevayè ku; ebpeselamat a wey edalig kenikew.

Salmo 132:5

taman te kebpeketuredu ku te lugar he egkeubpaan te Nengazen, he iyan kes Mekeǥeǥehem he Megbevayà ni Jacob.”

Salmo 140:7

Nengazen he MEGBEVAYÀ, iyan ka mezesen he menluluwas ku. Iyan ka nengalang kedì te timpu te tebek.

Salmo 145:1

Edeliǥen ku sikew, Megbevayè ku he Hadì. Edeliǥen ku sikew te wazà pidtemanan.

Salmo 18:46

Uuyag ka, Nengazen! Edeliǥen ka is endilungè ku he vatu. Ibayew ku sikew tenged te iyan ka Megbevayà he menluluwas ku.

Salmo 22:10

Ne puun te kedlusaza kedì ne insarig e en diyà te kenikew, ne iyan ke zà Megbevayè ku.

Salmo 22:3

Iyan waǥas ka, ne edeliǥen ka te menge tig-Israel su iyan ka hadì dan.

Salmo 27:1

Is Nengazen iyan kerayag ku, menluluwas ku, wey eputè ku, umbe wazà ereg he igkahandek ku.

Salmo 28:8

Iyan ka, Nengazen, mibeǥey te zesen diyà te menge etew nu. Iyan ka melig-en he eputà wey menluluwas te pinilì nu.

Salmo 30:1

Edeliǥen ku sikew, Nengazen, su midlibri a kenikew te kezeetan ne wazè nu ituǥut he mekezayandayan is menge kuntada ku tenged te kebpekesavuk ku.

Salmo 34:3

Duma kew kedì te edalig te Nengazen; edsevaha kiw te kedalig kandin.

Salmo 48:14

he is Megbevayà he edsilbiyan tew ǥuntaan iyan kes Megbevayè tew te wazà pidtemanan. Iyan sikandin egiya kenitew te wazà pidtemanan.

Salmo 59:17

He Megbevayà, iyan ka ebeǥey kedì te zesen; egkanta a te menge idalig kenikew, su iyan ka eputè ku, is Megbevayà he mibmahal kedì.

Salmo 68:20

Is Megbevayè tew, Megbevayà he edlibri. Iyan sikandin Nengazen he Megbevayà he edlibri kenitew te kemetayen.

Salmo 99:5

Deliǥa is Nengazen he Megbevayè tew. Ezapa niw sikandin diyà te valey zin. Waǥas sikandin!

Salmo 99:9

Deliǥa is Nengazen he Megbevayè tew. Simbaha niw sikandin diyà te segradu he vuvungan he migaked din, su waǥas is Nengazen he Megbevayè tew.

Exodus 14:13

Ne midtavak si Moises te, “Kenè kew mahandek. Pekelig-en kew ne egkeehè niw is paaǥi te Nengazen te kedlibriya zin keniyu ǥuntaan he andew. Su heini is menge Ehiptohanen he egkeehè niw ǥuntaan, ne kenè niw en sikandan egkeuman egkaahà.

Exodus 3:6

Ne mid-uman sikandin megkaǥi te, “Iyan a sikan is Megbevayà he ed-ezapen te menge kepuun nu, ed-ezapen a ni Abraham, ed-ezapen a ni Isaac wey ed-ezapen a ni Jacob.” Ne zutun midtembunan ni Moises is dagwey zin su egkahandek he ed-ahà te Megbevayà.

Exodus 4:22

Ne zutun keǥiyi nu haazà is hadì te, ‘Iyan heini lalag te Nengazen diyà te kenikew: Ed-isipen ku is menge Israilihanen he iring te kakey he anak ku,

Exodus 40:34

Ne hein nepasad heini is langun netembunan te ǥapun sikan is Tulda he Edtelevukaayan he tuus te zutun is Nengazen.

Exodus 6:7

Ed-isipen ku sikiyu he menge etew ku ne iyan a egkehimu he Megbevayè niw. Ne egketuenan niw he siak is Nengazen he Megbevayè niw, iyan a mibpeǥawas keniyu puun te kegkeuripena keniyu te menge tig-Ehipto.

Isaias 12:2

Sikew Megbevayà, iyan ka menluluwas ku. Edsarig a kenikew ne kenà a egkahandek. Iyan ka, Nengazen, mibeǥey kedì te zesen, ne iyan ka egkentahan ku. Iyan ka midlibri kedì.”

Isaias 25:1

Nengazen, iyan ka Megbevayè ku! Edalig a wey ebeǥey te zengeg kenikew su utew egkein-inuwi is menge mibpemeelan nu. Midtuman nu is menge pelanu nu he midhimu nu zengan te nehuna he timpu.

Isaias 45:17

Piru edlibriyen nu mulà, Nengazen, is Israel, ne wazà pidtemanan te kelibriyanan dan. Kenè en sikandan egkepeel-elezan taman te taman.

Isaias 49:6

Migkaǥi sikandin te, “Sikew is suluǥuen ku, zuen pa zekelà he vuluhaten ku he ebpeveelan ku kenikew, gawas te kebpelikùa nu te menge Israilihanen he ebpengelangan ku. Edhimuwen ku pa sikew he iring te sulù he ebpeketayew te menge nasyun, su para zuen kelibriyanan kayi te tivuuk he kelibutan he egkaangken te menge etew.”

Isaias 66:1

Iyan heini egkeǥiyen te Nengazen: “Is langit iyan pinuuwè ku te edhadì, ne is tanà iyan ebpeuntuzan ku te menge paa ku. Egkehimu ve ke edtukuzan a keniyu te valey? Egkehimu ve ke ebeǥayan a keniyu te lugar he egkehimelayan ku?

Jeremias 3:23

Tutuu iyan he is ked-azap dey te zuma he menge ed-ezapen diyà te menge vuntud ne zekelà he sayep. Diyè dà te kenikew is kelibriyanan te Israel, Nengazen he Megbevayè dey.

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Jeremias 32:38

Egkehimu sikandan he menge etew ku ne egkehimu a he Megbevayè dan.

Habakuk 3:13

su edlibriyen nu is pinilì nu he menge etew. Midhimetayan nu is pengulu te mezaat he ginhedian ne mibpurungan nu zezeeti is menge etew zin.

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Deuteronomio 10:21

Deliǥa niw sikandin su iyan sikandin Megbevayè niw he mibaal te mekeǥeǥehem wey egkein-inuwan he menge vaal he neehè niw mismu.

Zatù 5:21

Naanud sikandan diyà te zal-ug te Kishon, kes kezaan he zal-ug. Ebpedayun a he ebpekidtebek duma is kelig-en.