Exodus 14:3 - Manobo Western Bukidnon OT

³ Umbe edhimuwen niw heini su para meisip te hadì he egkengetazintazin kew ne kenè kew en ebpekeǥawas kayi te sibsivayan.

Exodus 14:3 교차 참조

Salmo 139:2

Netuenan nu ke keenu a ebpinuu wey edhitindeg. Minsan diyè ka te meziyù netuenan nu is nengetaǥù te isip ku.

Salmo 139:4

Nengazen, minsan kenè e pa ebpekekaǥi, ne netuenan nu en he zaan ke hengkey is egkeǥiyen ku.

Salmo 3:2

Kesikandan te kenè ke kun edtavang kedì.

Salmo 71:11

Ke sikandan te, “Mibey-anan en sikandin te Megbevayà, umbe edel-asen tew sikandin ne edekepen tew, su wazè en edtavang kandin.”

Exodus 14:2

“Keǥiyi nu is menge Israilihanen he medlikù dan, ne ziyè dan megkampu te uvey te Pi Hahirot, diyà te mid-elangan te Migdol wey Zaǥat he Meriǥà. Uvey heini te zaǥat ne egkaatbang din is Baal Zefon.

Exodus 14:4

Ne edhimuwen ku he mebmezesen is gehinawa te hadì su wey kew zin mezal-as. Piru edèdeetan ku sikandin wey is menge sundaru zin. Ne pinaaǥi kayi egkeveǥayan a te zengeg, ne egketuenan te menge Ehiptohanen he iyan a kes Nengazen.” Umbe, mid-ulaula heini te menge Israilihanen.

Ezekiel 38:17

Mibpedayun megkaǥi is Nengazen he MEGBEVAYÀ te, “Te nehuna he timpu impahayag ku pinaaǥi te ebpemeneuven diyà te Israel he menge suluǥuen ku, he ziyà te huziyan he menge andew duen edsurung diyà te Israel. Ne iyan ka ibpesavut ku he edsurung.

Deuteronomio 31:21

Emun ebpekeume en diyà te kandan is mahabet he menge kemeresayan wey menge kemereǥenan, heini he kanta egkehimu he tistiǥus kuntra kandan, su kenà heini egkelipatan te menge kevuwazan dan. Netuenan ku en is ebpelenuwan dan te ebaal minsan wazè ku pa sikandan meuwit duen te tanà he impenangdù ku he ibeǥey ku kandan.”

Zatù 16:2

Netudtulan is menge tig-Gaza he zutun si Samson, umbe midliǥuyan dan haazà is inged wey mibentayan dan is menge pultahan dutun te inged te tivuuk he kezukileman. Wazà sikandan mebpuǥad dutun he kezukileman. Su iyan disisyun dan he meselem dan edhimetayi si Samson.

1 Samuel 23:23

Peniizi niw is langun he lugar he ed-elesan din, ne likù kew kayi te kedì emun siguradu en. Ne eduma a keniyu; ne emun diyè pa te zuma he elesà ne ebpen-ahaan ku minsan meeneb ku pa is tivuuk he tanà te Juda.”

1 Samuel 23:7

Duen neketudtul ki Saul he ziyà si David te Keila. Umbe nekekaǥi si Saul te, “Mibpeveyveyaan sikandin kedì te Megbevayà, su henduen be te mibpirisu zin is keugelingen din te kedseled din te inged he nelingut te verengbeng.”