Exodus 13:3 - Manobo Western Bukidnon OT

³ Ne migkeǥiyan ni Moises is menge etew te, “Tentenuzi niw heini he andew is andew te kebpeǥewasa keniyu ziyà te Ehipto, he zutun kew mengeuripen, ne tenged te kebpeǥewasa zin keniyu zutun pinaaǥi te mekeǥeǥehem he velad din. Kenè kew kaan te edtepayan.

Exodus 13:3 교차 참조

Genesis 15:16

Ke heepat egkelapis is menge kevuwazan nu ziyà te senge nenasyun, ne human dan ed-ulì dini su wazè pa metuman is timpu te kedsiluti ku te menge Amorihanen tenged te menge salè dan.”

1 Cronica 16:12

Sikiyu is menge pinilì te Megbevayà wey menge kevuwazan ni Israel he suluǥuen te Megbevayà, he iyan si Jacob, tentenuzi niw is menge egkein-inuwan he menge vaal zin, wey is menge kedhukum din.

Nehemias 1:10

“Menge suluǥuen key kenikew wey menge etew nu he midlibri nu pinaaǥi te zekelà he ǥehem nu wey zesen nu.

Nehemias 9:10

Mibaal ka te menge singyal wey menge egkein-inuwan he menge vaal he nekesuǥat te hadì te Ehipto, wey te langun he menge upisyal zin wey menge etew zin. Su netuenan nu he midaagdaag dan is menge kepuun dey. Ne taman en guntaan kemulu egkevantug is ngazan nu.

Salmo 105:5

Sikiyu is menge pinilì te Megbevayà wey kevuwazan ni Abraham he suluǥuen te Megbevayà, wey menge kevuwazan daan ni Jacob, tentenuzi niw is egkein-inuwan he menge paaǥi zin, wey is egkein-inuwan he menge vaal zin, wey is menge kedhukum din.

Salmo 114:1

Is menge Israilihanen he menge kevuwazan ni Jacob, mid-ubpè dan dengan diyà te Ehipto, he selakew is kineǥiyan te menge etew zutun.

Salmo 136:11

Impeǥawas din is menge Israilihanen puun te Ehipto. Wazà pidtemanan te ǥaǥew zin.

Salmo 136:12

Impeǥawas din sikandan pinaaǥi te zekelà he ǥehem din. Wazà pidtemanan te ǥaǥew zin.

Salmo 89:14

Is kedhadì nu egkezumahan te ketazeng wey hustu he kukuman, wey egkezumahan daan te ǥaǥew wey kebmetinumanen.

Exodus 12:15

Ne iyan heini ibpeulaula ku keniyu: Kinahanglan he kenè niw edtepayan is supas he egkeenen niw seled te pitu he andew. Umbe kinahanglan he id-awè niw is tapey ziyà te menge valey niw zutun te egkehuna he andew. Su is minsan hentei keniyu he egkaan te midtepayan puun dutun te egkehuna he andew pehendiyà te ikepitu he andew ne ed-isipen sikandin he kenà ragkes te kevuwazan ni Israel.

Exodus 12:17

“Silibraha niw is Pista te Supas he Wazè din Tapey, su wey niw kenà melipati haazà is andew te kebpeǥewasa ku keniyu te menge tribu ni Israel puun diyà te Ehipto. Ne iyan suǥù ku is: Kinahanglan he ibpezume en diyà te egketulung egkelapislapis he kevuwazan niw is kedsilibraha kayi.

Exodus 12:19

Seled te pitu he andew kinahanglan he wazà tapey ziyà te menge valey niw. Is minsan hentei he egkaan te midtepayan kenè en sikandin ed-isipen he ragkes te kevuwazan ni Israel, tutuu man sikandin he kevuwazan ni Israel wey ke kenà.

Exodus 12:2

“Heini is bulan guntaan iyan egkehuna he vulan te tuig para keniyu.

Exodus 12:41

Ne netapus haazà is 430 he tuig, ne iyan en andew te ked-awà dutun te menge etew te Nengazen diyà te Ehipto.

Exodus 12:42

Dutun te tivuuk he kezukileman te kegenat te menge Israilihanen puun te Ehipto, henduen be te wazà medlipezeng is Nengazen te kebantey kandan. Umbe zutun daan he kezukileman ne kenà edlipezeng is menge Israilihanen su ebeǥayan dan te zengeg is Nengazen. Kinahanglan he ed-ul-ulahan dan heini taman te peleebuten he lapis te menge kevuwazan.

Exodus 12:8

Dutun he kezukileman, egkeenen niw is usa he tinuug duma te memepait he utanen wey supas he wazè din tapey.

Exodus 13:14

Dutun te huziyan he timpu, emun ed-insà is menge anak niw ke hengkey is ibpesavut dutun, ne ke sikiyu te, ‘Impeǥawas kiw te Nengazen puun diyà te Ehipto su midlibri kiw zin te kegkeuripena kenitew pinaaǥi te kegemita zin te ǥehem din.

Exodus 13:9

Heini he pista, igkepetug-iring te patik diyà te menge velad niw etawa vuked niw he ebpetanudtanud keniyu he kinahanglan he edtudtulen niw is insuǥù te Nengazen su impeǥawas kew zin diyà te Ehipto pinaaǥi te ǥehem din.

Exodus 20:2

“Iyan a Nengazen he Megbevayè niw, iyan a mibpeǥawas keniyu ziyà te Ehipto he zutun kew uripena.

Exodus 20:8

“Tumana niw is ebpeveelan ku zutun te Andew te Kedhimeley, ne isipa niw haazà he segradu he andew para kediey.

Exodus 23:15

Silibraha niw is Pista te Supas he Wazè din Tapey. Seled te pitu he andew iyan niw keena is supas he kenà edtepayan, sumalà is insuǥù ku en keniyu. Ne netendek he timpu is ked-ul-ulaha niw kayi su ziyè dà te vulan he Abib, su iyan haazà bulan te timpu te ked-awè niw ziyà te Ehipto. Dutun he timpu kinahanglan he med-uwit te halad is kada sevaha keniyu kayi te kediey.

Exodus 3:20

Ne tenged te kenè din kedtuǥut ibayew ku is belad ku te kebpigada te menge Ehiptohanen pinaaǥi te menge egkengein-inuwan he ibpezayag ku ziyà te kandan, ne emun egkeuleule en heini ne edtuǥutan kew zin en human te kegenat.

Exodus 34:18

“Tumana niw is Pista te Supas he Wazè din Tapey sumalà is kedsuǥua ku kayi ziyà te keniyu. Emun bulan te Abib ne kaan kew te Supas he Wazè din Tapey seled te pitu he andew, su iyan haazà bulan te ked-awè niw ziyà te Ehipto.

Exodus 6:1

Ne migkaǥi is Nengazen diyà te ki Moises te, “Egkeehè nu en human is ed-ul-ulahan ku ziyà te hadì te Ehipto. Pinaaǥi te ǥehem he ibpeehè ku, edtuǥut sikandin he mekeǥenat kew puun te nasyun din. Ne egketeǥel sikandin te kebpeǥenat keniyu.”

Exodus 6:6

Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.

Exodus 6:7

Ed-isipen ku sikiyu he menge etew ku ne iyan a egkehimu he Megbevayè niw. Ne egketuenan niw he siak is Nengazen he Megbevayè niw, iyan a mibpeǥawas keniyu puun te kegkeuripena keniyu te menge tig-Ehipto.

Exodus 7:4

kenè kew zin gihapun ebpemineǥen. Ne ibpeseǥazan ku te menge Ehiptohanen is utew merasey, ne ibpeǥawas ku puun diyà te kandan is langun he tribu te Israel he menge etew ku.

Daniel 9:15

“He Nengazen he Megbevayè dey, impeehè nu is gehem nu pinaaǥi te kegeuza nu te menge etew nu puun te Ehipto, ne nevantug ka tenged kayi taman en guntaan. Piru mibaal key te salà wey kelelalung.

Deuteronomio 13:10

Ebpenulengen sikandin te vatu taman te kebpatey zin su geina te edtinguhà sikandin ebpekeziyù kenikew puun te Nengazen he Megbevayè nu, he mibpeǥawas kenikew ziyà te Ehipto he zutun kew pen-uripena.

Deuteronomio 13:11

Ne egkezineg heini te langun he menge Israilihanen ne egkengehandek sikandan, ne wazè en ebaal ziyà te keniyu te iring dutun te utew mezaat he vaal.

Deuteronomio 13:5

Kinahanglan he edhimetayan haazà is ebpeneuven etawa pereseysey te kehuluǥan te teǥeinep, su ebpenuruen kew zin te kedribildi ziyà te Nengazen he Megbevayè niw he mibpeǥawas keniyu ziyà te Ehipto wey midlibri keniyu te kegkeuripen. Heeyan he etew, iyan tuyù din is para mekepekeziyù kew ziyà te menge paaǥi he inmandù keniyu te Nengazen he Megbevayè niw he sunuza niw. Mezaat heeyan ne ereg he id-awà.

Deuteronomio 13:6

“Penenglitan duen nu suled etawa anak, pinelanggè nu he esawa etawa utew nu emiǥu, he meeles he ed-iniyat kenikew ne egkaǥi te, ‘Ed-azap ki te selakew en he menge ed-ezapen’ (menge ed-ezapen he wazè nu mekilala wey te menge kepuun nu).

Deuteronomio 15:15

Tentenuzi niw he menge uripen kew zengan diyà te Ehipto ne impeǥawas kew te Nengazen he Megbevayè niw. Iyan heeyan hinungdan ke maan is ibeǥey ku heini keniyu he suǥù guntaan.

Deuteronomio 16:1

“Silibraha niw is Pista te Kedlavey te Belinsuǥuen te vulan he Abib para te kebeǥey te zengeg diyà te Nengazen he Megbevayè niw, su zutun he vulan impeǥawas kew zin diyà te Ehipto te mezukilem.

Deuteronomio 16:12

Tentenuzi niw he menge uripen kew zengan diyà te Ehipto, umbe purungi niw sunuza heini he menge sulunuzen.

Deuteronomio 16:3

Keena niw heini zuma te supas he wazè din tapey. Seled te pitu he andew kaan kew te supas he wazè din tapey iring te mibeelan niw hein egaanggaan kew is egenat puun te Ehipto, keenà niw heini he supas he simbulu te ked-antus niw, su para metenuzi niw seled te tivuuk he untung niw is timpu te kegawas niw puun te Ehipto.

Deuteronomio 24:18

Tentenuzi niw he menge uripen kew zengan diyà te Ehipto ne midlibri kew te Nengazen he Megbevayè niw. Iyan heeyan idsuǥua ku keniyu te kebaal kayi.

Deuteronomio 24:22

Tentenuzi niw he menge uripen kew zengan diyà te Ehipto. Iyan heeyan idsuǥua ku kayi keniyu.”

Deuteronomio 26:8

Umbe, migkuwa key te Nengazen diyà te Ehipto pinaaǥi te zekelà he ǥehem din wey mekahandekhandek he menge vaal. Mibaal sikandin te menge singyal wey menge egkein-inuwan he menge vaal.

Deuteronomio 4:34

Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.

Deuteronomio 5:15

Tentenuzi niw he menge uripen kew zaan dengan diyà te Ehipto, ne iyan a, is Nengazen he Megbevayè niw, mibpeǥawas keniyu ziyà pinaaǥi te zekelà he ǥehem ku. Umbe tumana niw is ebpeveelan ku zutun te Andew te Kedhimeley, su iyan a is Nengazen he Megbevayè niw midsuǥù keniyu.

Deuteronomio 5:6

“ ‘Iyan a Nengazen he Megbevayè niw, iyan a mibpeǥawas keniyu ziyà te Ehipto he zutun kew uripena.

Deuteronomio 6:12

mebpekevantey kew he kenè niw melipati is Nengazen he iyan mibpeǥawas keniyu ziyà te Ehipto he zutun kew uripena.

Deuteronomio 6:21

Keǥiyi niw sikandan te, ‘Menge uripen key zengan te hadì te Ehipto, piru impeǥawas key ziyà te Nengazen pinaaǥi te zekelà he ǥehem din.

Deuteronomio 7:8

Mibpilì kew zin su geina te mahal kew zin wey edtumanen din is penangdù din diyà te menge kepuun niw. Umbe impeǥawas kew zin diyà te Ehipto pinaaǥi te zekelà he ǥehem din, ne migaud kew zin puun te kegkeuripena keniyu te Faraon he hadì te Ehipto.

Deuteronomio 8:14

mebpekevantey kew he kenè kew mekepahambug wey kenè niw melipati is Nengazen he Megbevayè niw he mibpeǥawas keniyu puun te Ehipto he zutun kew pen-uripena.

Deuteronomio 9:12

Ne zutun migkaǥi is Nengazen kayi te kediey te, ‘Gaanggaan ke en tupang su sikan is menge etew he mibpenguluwan nu te kegawas puun te Ehipto nehimu en he menge lalung. Segugunè dan dà mid-iniyuǥi is insuǥù ku kandan ne mibaal sikandan te ledawan he ed-ezapen dan.’

Josue 24:17

Is Nengazen he Megbevayè tew iyan mibpeǥawas kenitew wey te menge kepuun tew te kegkeuripen diyà te Ehipto. Ne neehè tew zaan is egkengein-inuwan he mibeelan din. Ne wazè din ituǥut he mekeizi kiw zuen te hipanew tew ziyà te teliwazà te menge nasyun he imbayè tew.

Zatù 2:12

Mid-iniyuǥan dan is Nengazen, he Megbevayà te menge kepuun dan, he iyan mibpeǥawas kandan diyà te Ehipto. Midsunud dan wey mid-azap dan is nekedseselekawà he ebpen-ezapen te menge etew he nekeelingkus kandan. Mibeelan dan is igkepauk te Nengazen.

Zatù 6:8

midsuǥù te Nengazen diyà te kandan is sevaha he ebpeneuven he migkaǥi ziyà te kandan te, “Iyan heini egkeǥiyen te Nengazen he Megbevayà te Israel: ‘Impegawas ku sikiyu ziyà te Ehipto he zutun kew uripena.