Exodus 12:3 - Manobo Western Bukidnon OT

³ Keǥiyi niw is tivuuk he keet-etawan te Israel he ziyà te ikesepulù he andew kayi he vulan kinahanglan he megkuwa is kada pemilya te nati he kerehidu etawa kambing para te pemilya zin.

Exodus 12:3 교차 참조

Genesis 22:8

Ne midtavak dutun si Abraham te, “Is Megbevayà, Mama, iyan ebeǥey kenita te nati he kerehidu he egkehimu he ibpemuhat he edtutungen.” Ne midlaus dan en dutun is dezuwa he edhipanew.

Genesis 4:4

Ne si Abel mulà migkuwa sikandin te kinekekayan duen te menge uyaǥen din ne midlapè din, ne impemuhat din is kineupiyahan he vahin diyà te Megbevayà. Nelipey is Nengazen ki Abel wey zuen te pemuhat din,

2 Cronica 35:7

Mibeǥey si Josia te kandin he menge uyaǥen he 30,000 he menge kerehidu wey menge kambing, wey 3,000 he menge vaka he para igkepemuhat te menge etew zutun te timpu te Pista te Kedlavey te Belinsuǥuen.

Exodus 12:2

“Heini is bulan guntaan iyan egkehuna he vulan te tuig para keniyu.

Exodus 12:21

Ne impetawag ni Moises is langun he ebpemendumala te Israel ne migkeǥiyan din te, “Pen-ulì kew en ne keǥiyi niw is langun he menge pemilya niw, he megkuwa zan te nati he kerehidu etawa kambing ne lepaa zan haazà para te kedsilibra te Pista te Kedlavey te Belinsuǥuen.

Exodus 12:4

Ne emun egkeerangan te senge pemilya he kenè dan egkaamin te egkaan is sengetiman he kerehidu, mebpetelewizè dan dutun te avey zin. Edtelazen dan heini sumalà te kezakel zan wey sumalà te egkekaan te kada etew.

Exodus 12:6

Elimahi niw haazà taman te ike-14 he andew kayi he vulan, su sikiyu is tivuuk he keet-etawan te Israel, edlepaan niw haazà dutun he timpu emun ebpengirum-irum en.

Exodus 14:15

Ne nengemuyù si Moises diyà te Nengazen ne migkeǥiyan sikandin te Nengazen te, “Hustu ke en he edhangyù. Keǥiyi nu is menge Israilihanen he medhipanew zan en.

Exodus 20:19

Ne migkeǥiyan dan si Moises te, “Ebpemineg key minsan iyan ke zà ebpekidlalag kenami ne kenè nu en iyan ipepekidlalag kenami is Megbevayà su kela ke mebpemematey key.”

Exodus 4:30

Ne migkaǥi ni Aaron diyà te kandan is langun he migkaǥi te Nengazen diyà te ki Moises. Wey impaahà ni Moises te menge etew sikan is menge singyal,

Exodus 6:6

Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.

Ezekiel 40:1

Dutun te ikesepulù he andew te nehuna he vulan, dutun te ike-25 he tuig te kegkevihaǥa kenami–he iyan ike-14 he tuig te kegkezeeti te Jerusalem–midumala a te Nengazen, ne zuen mibpelewasan din kediey. Dutun te kebpekelawas ku, mid-uwit e zin diyà te utew metikang he vuvungan te Israel. Ne kebpantew ku ziyà te egkezivavà, duen neehè ku he menge bilding he henduen be te inged.

Leviticus 5:6

Ne veyazi zin haazà is salà he neveelan din pinaaǥi te kebpemuhat din diyà te Nengazen te sevaha he vehiyan he kerehidu etawa kambing he pemuhat he para idlumpiyu. Iyan is memumuhat ebpemuhat kayi para mevelukasi sikandin te salè din.

Numero 15:11

Iyan heeyan beeli niw emun ebpemuhat kew te tudu he vaka etawa meǥurang en he meemahan he kerehidu etawa nati he kerehidu etawa kambing.

Josue 7:14

Umbe, keeselem te meselem med-uvey kayi te kediey is kada tribu niw. Is tribu he idtezù ku he nekesalà ne med-uvey kayi te kediey is kada sengeepuan. Is kezuzumahi he idtezù ku he nekesalà med-uvey is kada pemilya kayi te kediey. Is pemilya he idtezù ku he nekesalà med-uvey is kada sevaha kayi te kediey.

1 Samuel 7:9

Ne zutun migkuwa si Samuel te kerehidu he wazè pa lutasa ne midhimetayan din ne midtutung din haazà is senge vuuk he pemuhat he edtutungen para te Nengazen. Nengemuyù sikandin diyà te Nengazen su ebpekitavang para te Israel ne midtavak sikandin te Nengazen.