Exodus 12:2 - Manobo Western Bukidnon OT

² “Heini is bulan guntaan iyan egkehuna he vulan te tuig para keniyu.

Exodus 12:2 교차 참조

Ester 3:7

Duen te nehuna he vulan, he iyan kes bulan he Nisan, te ike-12 he tuig te kedhadì ni Ahasuerus, insuǥù ni Haman he edripahan is kedtendùa te andew wey vulan te kedtumana te menge pelanu zin. (Is migamit dan te keripa ne egngezanan te “pur.”) Ne iyan neripahan is ike-13 he andew te ike-12 he vulan, he iyan kes bulan te Adar.

Exodus 12:1

Ne migkaǥi is Nengazen diyà te ki Moises wey ki Aaron diyà te Ehipto te,

Exodus 12:18

Puun kew te kedsilibra kayi zutun te mezukilem te ike-14 he andew te egkehuna he vulan taman te mezukilem dutun te ike-21 he andew, ne kenè niw tepayi is supas he egkeenen niw.

Exodus 12:3

Keǥiyi niw is tivuuk he keet-etawan te Israel he ziyà te ikesepulù he andew kayi he vulan kinahanglan he megkuwa is kada pemilya te nati he kerehidu etawa kambing para te pemilya zin.

Exodus 13:3

Ne migkeǥiyan ni Moises is menge etew te, “Tentenuzi niw heini he andew is andew te kebpeǥewasa keniyu ziyà te Ehipto, he zutun kew mengeuripen, ne tenged te kebpeǥewasa zin keniyu zutun pinaaǥi te mekeǥeǥehem he velad din. Kenè kew kaan te edtepayan.

Exodus 13:4

Tentenuzi niw heini he andew zutun te vulan he Abib, he iyan kes andew te kebpeǥewasa keniyu ziyà te Ehipto.

Exodus 23:15

Silibraha niw is Pista te Supas he Wazè din Tapey. Seled te pitu he andew iyan niw keena is supas he kenà edtepayan, sumalà is insuǥù ku en keniyu. Ne netendek he timpu is ked-ul-ulaha niw kayi su ziyè dà te vulan he Abib, su iyan haazà bulan te timpu te ked-awè niw ziyà te Ehipto. Dutun he timpu kinahanglan he med-uwit te halad is kada sevaha keniyu kayi te kediey.

Exodus 34:18

“Tumana niw is Pista te Supas he Wazè din Tapey sumalà is kedsuǥua ku kayi ziyà te keniyu. Emun bulan te Abib ne kaan kew te Supas he Wazè din Tapey seled te pitu he andew, su iyan haazà bulan te ked-awè niw ziyà te Ehipto.

Exodus 40:17

Umbe, midtukud is Tulda he Ed-ezapan dutun te nehuna he andew te nehuna he vulan dutun te ikezuwa he tuig te kegkeliwas te ked-awè dan diyà te Ehipto.

Ezekiel 45:18

Migkaǥi pa is Nengazen he MEGBEVAYÀ te, “Te egkehuna he andew te egkehuna he vulan pemuhat kew te turiti he vaka he wazè din sazir su wey melumpiyuwi is baley ku.

Ezekiel 45:21

“Dutun te ike-14 he andew te egkehuna he vulan, silibraha niw is Pista te Kedlavey te Belinsuǥuen. Silibraha niw heini seled te pitu he andew, ne kaan kew zà te supas he wazè din tapey.

Leviticus 23:5

Is Pista te Kedlavey te Belinsuǥuen, mezukilem is kedhimuwa zuen diyà te ike-14 he andew te egkehuna he vulan te tuig.

Numero 28:16

“Silibraha niw is Pista te Kedlavey te Belinsuǥuen te ike-14 he andew te egkehuna he vulan.

Deuteronomio 16:1

“Silibraha niw is Pista te Kedlavey te Belinsuǥuen te vulan he Abib para te kebeǥey te zengeg diyà te Nengazen he Megbevayè niw, su zutun he vulan impeǥawas kew zin diyà te Ehipto te mezukilem.