Kinahanglan he ilikù nu sikandin diyà te ki Abraham, su ebpeneuven sikandin, ne id-ampù ke zin su wey ka kenà mebpatey. Piru emun kenè nu id-ulì, ebpetizeenan ku sikew he kenè en ebperis ne ebpatey ke en iyan ragkes is langun he menge sakup nu.”
Nemetmetahan te hadì te Ehipto is kebpaahà ni Moises wey ni Aaron duen te langun he egkengein-inuwan, iyan, midhimu te Nengazen is gehinawa zin he mezesen he kenà edtuǥut he mekeǥenat is menge Israilihanen puun te Ehipto.
Keǥiyi nu is menge Israilihanen, maama wey vahi, he mebuyù sikandan te menge elahas he pelata wey menge elahas he vulawan diyà te menge siringan dan he Ehiptohanen.”
Puun kew te kedsilibra kayi zutun te mezukilem te ike-14 he andew te egkehuna he vulan taman te mezukilem dutun te ike-21 he andew, ne kenè niw tepayi is supas he egkeenen niw.
“Dutun te egkehuna he andew te egkehuna he vulan te tuig, ne ipelastar niw en heeyan is Tulda he Ed-ezapan, he egngezanan daan he Tulda he Edtelevukaayan.
“Dutun te ike-14 he andew te egkehuna he vulan, silibraha niw is Pista te Kedlavey te Belinsuǥuen. Silibraha niw heini seled te pitu he andew, ne kaan kew zà te supas he wazè din tapey.
Ebpuunan niw heini emun egkesakep en dutun te ike-14 he andew kayì he vulan. Kinahanglan he ed-ikulen niw is langun he sulunuzen mehitenged kayi he pista.”
Mibeelan dan is kedsilibra zutun diyà te sibsivayan he Sinai hein mibpuun is ike-14 he andew te egkehuna he vulan. Mibeelan heini te langun he menge Israilihanen sumalà te insuǥù te Nengazen ki Moises.
Duen sevaha he suluǥuen te Megbevayà he mid-uvey ziyà te ki Eli he egkaǥi te, “Iyan heini lalag te Nengazen: Impesavut ku ziyà te gin-epuan niw he si Aaron wey ziyà te pemilya zin te kemulu zan pa neuripen te hadì te Ehipto.
