Exodus 11:6 - Manobo Western Bukidnon OT

⁶ Egkezineg kayi te tivuuk he Ehipto is mezaǥing he sineǥawan. Iyan heeyan kinemezeetan he egkehitavù kayi te Ehipto he wazè pa keenu meseǥazi ne kenè en egkeuman egkeseǥazi.

Exodus 11:6 교차 참조

Exodus 11:7

Piru ziyà te menge Israilihanen mulà duen kelinew ne wazà minsan gevu te asu he egkezineg.’ Ne pinaaǥi keniyan egketuenan niw he impebiza te Nengazen is menge Ehiptohanen wey menge Israilihanen.

Exodus 12:30

Ne zutun he kezukileman mid-enew is hadì wey is langun he menge upisyal zin wey is langun he menge Ehiptohanen. Ne zutun nezineg dan is utew mezaǥing he sineǥawan diyà te Ehipto, su kada valey zan ne zuen duen mibpatey.

Exodus 3:7

Migkaǥi is Nengazen te, “Neehè ku is kemereǥenan te menge etew ku ziyà te Ehipto. Nezineg ku is kebuyù dan te tavang tenged te kebpesipelahi kandan te menge edumala kandan te edterebahu, ne edtevangan ku su egkehizuwan ku sikandan.

Exodus 9:18

Umbe keeselem, te iyan ded heini he uras, ibpeuzan ku te ǥiyew he utew gerabi, he wazè pa keenu meseǥazi puun te kegketukud te Ehipto.

Erubasa 21:13

Emun kenè ta idtetepian is egkengeayuayu he ebpekitavang kenita, ne kenè ki zaan idtetepian emun iyan ki ebpekitavang.

Isaias 15:8

Is kegkezineǥa te ked-erang dan ne taman en te zulunà te Moab wey Eglaim wey taman te Beer Elim.

Isaias 19:16

Dutun he timpu, is menge Ehiptohanen egkehimu he meluya iring te vahi. Ebpengerkeren sikandan tenged te kegkahandek dan te silut he idsilut kandan te Nengazen he Mekeǥeǥehem.

Jeremias 31:15

Mibpedayun te Nengazen is menge lalag din te, “Duen egkezineg he sineǥawan wey lendag diyà te inged he Rama. Edsineǥew si Raquel tenged te menge anak din. Egketulung en sikandin egkeiinek su nemematey is menge anak din.”

Penhulùhulù 3:8

Minsan ebuyù e pa te tavang ne kenè e zin ebpemineǥen.

Amos 5:17

Duen daan ebpemenineǥew ziyà te menge pemuleey niw te paras. Egkehitavù heini ziyà te keniyu su edsilutan ku sikiyu. Iyan a, is Nengazen, is migkaǥi kayi.”

Zefanias 1:10

Migkaǥi is Nengazen te, “Zutun he andew egkezineg is kulehian te ebpekitavang diyà te pultahan he migngezanan te Pultahan te menge Isdà diyà te inged he Jerusalem wey is lendag diyà te veǥu he vahin kayi he inged. Egkezineg daan is dekelà he keǥurub te egkengerundus he menge valey ziyà te menge vuvungan.