Exodus 11:5 - Manobo Western Bukidnon OT

⁵ Ne zutun he timpu ebpematey is kada pengenayan he maama kayi te Ehipto, puun te penganey he anak te hadì he iyan pezem ebpekeilis kandin pehendiyà te penganey he anak duen te uripen he vahi he pereǥaling wey is langun he penganey he anak te menge uyaǥen.

Exodus 11:5 교차 참조

Salmo 105:36

Mibpenhimetayan te Megbevayà is langun he kinekekayan he menge anak dan he maama.

Salmo 135:8

Mibpenhimetayan din is kinekekayan he menge anak he maama te menge tig-Ehipto, wey is kinekekayan he menge anak te menge uyaǥen dan.

Salmo 136:10

Mibpenhimetayan din is kinekekayan he menge anak he maama te menge tig-Ehipto. Wazà pidtemanan te ǥaǥew zin.

Salmo 78:51

Mibpenhimetayan din is langun he penganey he menge anak he maama diyà te Ehipto, he iyan kes menge kevuwazan ni Ham.

Exodus 12:12

“Su zutun daan he kezukileman edhipenawen ku is tivuuk he Ehipto ne ebpenhimetayan ku is langun he menge pengenayan he menge maama te menge Ehiptohanen, meetew se meuyaǥen. Ne edsilutan ku is langun he menge ed-ezapen kayi te Ehipto. Su iyan a Nengazen.

Exodus 12:29

Ne hein liwazè en is kezukileman, midhimetayan en te Nengazen is langun he penganey he menge anak he maama diyà te Ehipto, puun te penganey he anak te hadì, he iyan pezem ebpekeilis kandin te kedhadì, pehendiyà te penganey te menge pinirisu ziyà te pirisuwan wey is langun he penganey te menge uyaǥen.

Exodus 13:15

Su hein kenè kiw edtuǥutan te hadì te kegenat, midhimetayan te Nengazen is langun he penganey he menge anak he maama diyà te Ehipto, wey minsan is meemahan he menge penganey te menge uyaǥen dan. Umbe, ibpemuhat tew ziyà te Nengazen is menge meemahan he penganey he menge uyaǥen tew ne ebelukasan tew is penganey he menge anak tew he maama.’

Exodus 4:23

umbe, migkeǥiyan ku sikew he tuǥuti nu he mekeǥenat heeyan is anak ku su wey mekaazap kedì. Iyan, wazè nu tuǥuti he mekeǥenat, umbe edhimetayan ku is kakey he anak nu he maama!’ ”

Isaias 47:2

Neuripen ke en guntaan, umbe kuwa ka te ǥelingan ne ǥaling ka te trigu. Iawè nu is lembung nu, ne lislisa nu is bisti nu su para maahà is menge vuvun nu zutun te kedlayun nu te wahig.

Penhulùhulù 5:13

Is menge vetan-en dey he menge maama mibpeǥes ipepenggaling he henduen be te menge uripen, ne is menge vatà ebpemekeurambak en te kebpetianga kandan te meveǥat he menge kayu.

Zatù 16:21

Midakep sikandin te menge Filistihanen ne midluǥit dan is menge mata zin. Mid-uwit dan sikandin diyà te Gaza ne migkedinahan dan te brunsi. Midhimu zan sikandin he perepenggaling te trigu ziyà te seled te pirisuwan.