Exodus 11:4 - Manobo Western Bukidnon OT

⁴ Ne zutun migkaǥi en maan si Moises diyà te hadì, “Iyan heini migkaǥi te Nengazen: ‘Kengkuwan te liwazà is kezukileman edhipenawen ku is tivuuk he Ehipto.

Exodus 11:4 교차 참조

2 Samuel 5:24

Emun egkezineg niw he henduen te ebmartsa is menge sundaru ziyà te zapit te zivavew zutun te menge kayu he balsam, ne surunga niw en su iyan tuus heeyan he iyan a edhuna te kedsurung niw te menge Filistihanen.”

Job 34:20

Minsan is gemhanan he menge etew edtik-ew ebpatey ke mezukilem, he wazà etew he midhilavet kandan.

Salmo 60:10

Kenè be iyan ka, is Megbevayà he midselikwey kenami he wazè en meduma te menge sundaru zey?

Salmo 81:5

Impenurù din heini he penurù te menge kevuwazan ni Jose hein midsurung din is Ehipto. Nekezineg a te laǥeng he wazè ku mekilala he edhenduen te,

Exodus 12:12

“Su zutun daan he kezukileman edhipenawen ku is tivuuk he Ehipto ne ebpenhimetayan ku is langun he menge pengenayan he menge maama te menge Ehiptohanen, meetew se meuyaǥen. Ne edsilutan ku is langun he menge ed-ezapen kayi te Ehipto. Su iyan a Nengazen.

Exodus 12:23

Su edhipenawen te Nengazen is Ehipto te kebpenhimatey te kinekekayan he menge anak he maama te menge Ehiptohanen. Piru emun egkaahà te Nengazen is lengesa ziyà te zivavew wey pesikilizà he marku te ǥemawan, ne edlevayan din dà is baley niw ne kenè din edtuǥutan is ebpendezaat te kedseled diyà te menge valey niw te kebpenhimatey te kinekekayan he anak niw he maama.

Exodus 12:29

Ne hein liwazè en is kezukileman, midhimetayan en te Nengazen is langun he penganey he menge anak he maama diyà te Ehipto, puun te penganey he anak te hadì, he iyan pezem ebpekeilis kandin te kedhadì, pehendiyà te penganey te menge pinirisu ziyà te pirisuwan wey is langun he penganey te menge uyaǥen.

Isaias 42:13

Ebpekidtebek is Nengazen he iring te sundaru he andam en he ebpekidtebek. Ebpengulahì sikandin he tuus te edsurung en, ne egkezaag din is menge kuntada zin.

Amos 4:10

“Impaaǥi ku ziyà te keniyu is limas iring te impaaǥi ku zengan diyà te Ehipto. Mibpenhimetayan ku is menge vetan-en he menge maama niw pinaaǥi te tebek wey impaaǥew ku is menge kudè niw. Wey impaantus ku sikiyu te kemahù te nemematey ziyà te kampu niw. Piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Amos 5:17

Duen daan ebpemenineǥew ziyà te menge pemuleey niw te paras. Egkehitavù heini ziyà te keniyu su edsilutan ku sikiyu. Iyan a, is Nengazen, is migkaǥi kayi.”

Micas 2:13

Ebpuwasan ku is pultahan te inged he zutun kew zumaha is mibihag, ne ebpenguluwan ku sikiyu te kegawas puun dutun. Iyan a kes Nengazen he hadì niw is ebpengulu keniyu.”