Exodus 11:1 - Manobo Western Bukidnon OT

¹ Ne migkaǥi zutun is Nengazen diyà te ki Moises te, “Duen pa sevaha he pigada he ebpeseǥazan ku te hadì wey te zuma he menge Ehiptohanen. Ne emun egkeseǥazan dan en haazà, ne human kew en edtuǥuti te hadì te kegenat puun kayi te Ehipto ne zutun kenè en kinahanglan he edhangyù kew ziyà te kandin su iyan en sikandin edsegseg keniyu.

Exodus 11:1 교차 참조

Genesis 15:14

Piru haazà is nasyun he ed-uripen kandan, edsilutan ku ne zutun ebpekaawè dan, ne utew mezakel is menge azen dan.

Job 10:17

Kenè en egkeengked is kedsumbunga nu kedì, ne layun egkeumani is pauk nu kedì. Ne kenà a kenikew ed-engkezan te edsurung.

Exodus 12:29

Ne hein liwazè en is kezukileman, midhimetayan en te Nengazen is langun he penganey he menge anak he maama diyà te Ehipto, puun te penganey he anak te hadì, he iyan pezem ebpekeilis kandin te kedhadì, pehendiyà te penganey te menge pinirisu ziyà te pirisuwan wey is langun he penganey te menge uyaǥen.

Exodus 3:20

Ne tenged te kenè din kedtuǥut ibayew ku is belad ku te kebpigada te menge Ehiptohanen pinaaǥi te menge egkengein-inuwan he ibpezayag ku ziyà te kandan, ne emun egkeuleule en heini ne edtuǥutan kew zin en human te kegenat.

Exodus 6:1

Ne migkaǥi is Nengazen diyà te ki Moises te, “Egkeehè nu en human is ed-ul-ulahan ku ziyà te hadì te Ehipto. Pinaaǥi te ǥehem he ibpeehè ku, edtuǥut sikandin he mekeǥenat kew puun te nasyun din. Ne egketeǥel sikandin te kebpeǥenat keniyu.”

Exodus 9:14

Ne emun kenè nu sikandan edtuǥutan, ne ibpeiseg ku en is keveǥat te menge pigada ku kenikew, ragkes is menge upisyal nu wey is tivuuk he gin-etawan nu su wey nu metueni he wazà ebpekerepeng kedì kayi te tivuuk he kelibutan.

Leviticus 26:21

Emun ebpedayun kew pa ǥihapun he edsupak kediey su kenè kew ebpemineg kediey, ed-umanan ku pa te kepipitu en maan egketakep he silut keniyu.

Deuteronomio 4:34

Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.

1 Samuel 6:4

Ne mid-insà kes menge Filistihanen, “Hengkey he pemuhat is ibpeuwit dey he ibayad te salè dey kandin?” Midtavak kes menge memumuhat wey menge veyilan te, “Diyun kew te lelima he vulawan he purma te levag wey lelima he vulawan he purma te rumat, su lelima is kezakel te menge pengulu tew, ne levag is kezeetan he neeǥiyan tew wey te menge pengulu tew, wey zuen daan menge rumat he mid-uwit te kezeetan kayi te nasyun tew. Ihalad niw heini su wey meveǥayi te zengeg is Megbevayà te Israel, su kela ke ed-engkezan kiw zin en te edsilut, wey is menge ed-ezapen tew, wey is nasyun tew.