Exodus 10:9 - Manobo Western Bukidnon OT

⁹ Midtavak si Moises te, “Egenat key langun: batà wey meǥurang. Edumahan dey is menge anak dey wey menge uyaǥen dey, su edsilibra key te pista para te Nengazen.”

Exodus 10:9 교차 참조

Genesis 50:8

Ne miduma zaan is langun he menge sakup ni Jose, is menge suled din wey is menge sakup te amey zin. Ne iyan dà nesamà diyà te Goshen is menge anak dan wey is menge uyaǥen dan.

Exodus 10:10

Ne migkaǥi haazà is hadì te, “Dumahi kew te Nengazen; iyan, kenà a edtuǥut, su emun idtuǥut ku he edumahan niw is menge pemilya niw ne siguradu zuen mezaat he ed-ul-ulahan niw.

Exodus 10:26

Ed-uwiten dey is langun he uyaǥen dey; kinahanglan he wazà minsan sevaha he egkesamà. Su wazè dey pa metueni ke hengkey he kelasi te uyaǥen is ibpepemuhat te Nengazen kenami. Emun diyè key en ne human dey egketueni.”

Exodus 12:32

Elin niw en tundana is menge uyaǥen niw su iyan heeyan migkaǥi niw. Ne hengyui niw is Megbevayà he kehizuwi e zin!”

Exodus 12:37

Midhipanew is menge Israilihanen puun te Rameses pehendiyà te Sucot. Ne 600,000 is kahabet te menge maama zutun te nemenhipanew ne zuen pa menge vahi wey menge vatà.

Exodus 12:38

Ne liyu kandan duen pa mahabet he menge etew he nemenduma kandan he kenà Israilihanen ne elin pa midtundan dan is menge uyaǥen dan he utew mahabet.

Exodus 13:6

Iyan keena niw seled te pitu he andew is supas he wazè din tapey ne zutun te ikepitu he andew tukud kew te pista he para te Nengazen.

Exodus 3:18

“Ne ebpemineg kenikew is menge edumala te menge Israilihanen. Ne zumaha nu sikandan diyà te hadì te Ehipto ne keǥiyi niw sikandin te, ‘Is Nengazen, is Megbevayà he ed-ezapen te menge Hebriyuhanen, nekidhinguma kenami. Umbe tuǥuti key te kedhipanew seled te tetelu he andew su edhendiyè key te sibsivayan su ebpemuhaten dey is Nengazen he Megbevayè dey.’

Exodus 5:1

Ne midhendiyà si Moises wey si Aaron te hadì te Ehipto, ne migkeǥiyan dan te, “Iyan heini migkaǥi te Nengazen he Megbevayà te Israel: ‘Tuǥuti nu he mekeǥenat is menge etew ku, su wey zan mekesilibra te pista para kedì diyà te sibsivayan.’ ”

Exodus 5:3

Ne midtavak si Moises wey si Aaron te, “Nekidhinguma kenami is Megbevayà he ed-ezapen dey te menge Hebriyuhanen. Ne tuǥuti key kenikew te kedhipanew seled te tetelu he andew su edhendiyè key te sibsivayan su ebpemuhaten dey is Nengazen he iyan Megbevayè dey, su emun kenè dey heini ebeelan, ne ebpenhimetayan key zin pinaaǥi te zaru etawa tebek.”

Erubasa 3:9

Beǥayi nu te zengeg is Nengazen pinaaǥi te kedhelaza nu te ketiǥeyunan nu wey te egkehuna he veǥas te langun he menge pinemula nu.

Megwewali 12:1

Tentenuzi nu is Midlimbag kenikew mintras betan-en ke pa, zutun te kenè pa egkeuma is timpu te kelised he zutun ebpekekaǥi ka te, “Wazà a melipey kayi te kebpengungubpaan ku.”

Numero 29:12

“Dutun te ike-15 he andew te iyan ded he vulan, tiǥum kew en maan para te ked-azap te Nengazen ne kenè kew terebahu zutun he andew. Silibra kew te pista para te Nengazen seled te pitu he andew.

Josue 24:15

Iyan, emun kenè niw igkelipey is kebpenilbi te Nengazen, pilì kew ǥuntaan he andew ke hentei is edsilbiyan niw. Iyan be is menge ed-ezapen he midsilbiyan te menge kepuun niw ziyà layun te Wahig he Eufrates, etawa iyan is menge ed-ezapen te menge Amorihanen he mid-ubpaan niw ǥuntaan is tanè dan. Piru siak mulà wey is pemilya ku, Nengazen is kenami he edsilbiyan.”