Exodus 10:5 - Manobo Western Bukidnon OT

⁵ Ne tenged te utew subra is kahabet dan, ne kenà ebpekelepew is tanà. Ne iyan heini ebpekaamin duen te zeisey he nesamà keniyu hein nenggiyew, ne idragkes dan is langun he kayu ziyà te menge pemuleey niw.

Exodus 10:5 교차 참조

Exodus 10:12

Ne migkaǥi is Nengazen diyà te ki Moises te, “Bentanga nu is tuked nu keniyan te tanà he Ehipto su wey mekeuma is menge terapan, ne egkeenen dan is menge pinemula he wazà mezeeti zuen te ǥiyew.”

Exodus 10:15

Midhurunan dan is tivuuk he Ehipto ne henduen be te mibmeitem is tanà. Mid-amin dan keena sikan is wazà mezeeti zuen te ǥiyew. Migkaan dan is minsan hengkey he midtuvù diyà te menge pemuleey wey is menge veǥas te kayu. Umbe wazè en nesamà he pinemula ziyà te tivuuk he Ehipto.

Exodus 10:4

Ne emun kenè nu edtuǥutan te kegenat is menge etew ku, ibpeseǥazan ku keeselem te menge etew nu kayi te Ehipto is pigada pinaaǥi te terapan.

Exodus 9:32

Ne is menge trigu wey is sintinu wazà mulà mezeeti su nehuziyan.)

Joel 1:4

Duen ebpekedtitinundug he menge grupu te menge terapan he ebpendezaat. Is egkesamà he menge pinemula he kenà egkekaan duen te egkehuna he grupu ne egkeenen en maan te ebpeketinundug he grupu taman te egkaamin is menge pinemula.

Joel 2:25

Su migkaǥi is Nengazen te, “Idlikù ku is nelaga ziyà te keniyu zutun te menge tuig he mid-etaki is menge pinemula niw te nekedtutundug he grupu te menge terapan. Iyan a midsuǥù dutun te mahabet he menge terapan he menge sundaru ku.

Joel 2:3

Ebpekedtitinundug is ked-ataki te menge terapan he henduen be te hapuy. Hein wazè pa sikandan med-etaki, is tanà henduen be te iring te pemuleey he Eden, piru hein mid-etaki zan en heini, ne neiring heini te disirtu. Wazè en pinemula he wazè dan mezèdeeti.