Ester 9:27 - Manobo Western Bukidnon OT

²⁷ neuyun is menge Judio he edsilibrahan dan haazà is dezuwa he andew kada tuig, pinaaǥi te paaǥi he nekaǥi ni Mordecai. Ne heini, impesilibra zan daan te menge kevuwazan dan wey te langun he nehimu he Judio.

Ester 9:27 교차 참조

Ester 8:17

Diyà te kada prubinsya wey kada inged he neumahan dutun te suǥù te hadì, mibmelipayen wey midlipeylipey is menge Judio ne mid-andam dan te pista te kedsilibraha kayi. Ne mahabet he menge etew zutun te ginhedian he kenà menge Judio, iyan, nehimu sikandan he menge Judio su egkahandek dan te menge Judio.

Ester 9:20

Insurat ni Mordecai is langun he neulaula, ne mibpeuwitan din te surat is langun he menge Judio, meziyù man etawa uvey, he ziyà te langun he menge prubinsya he nesakup ni Hadì Ahasuerus.

Ester 9:21

Kayi he surat, migkeǥiyan ni Mordecai is menge Judio he silibraha zan kada tuig is ike-14 wey is ike-15 he andew te vulan he Adar,

Ester 9:28

Heini is dezuwa he andew te Purim kinahanglan he kenà edlipatan, kekenà, edsilibrahan te kada pemilya te menge Judio te kada lapis te kevuwazan diyà te langun he prubinsya wey inged te ginhedian. Kinahanglan he kenè dan ed-engkezan wey edlipatan minsan te menge kevuwazan dan.

Salmo 78:7

Ne pinaaǥi kayi edsarig sikandan te Megbevayà, ne kenè dan egkelipatan is mibpemeelan din ne edtumanen dan is menge suǥù din.

Isaias 2:3

Egkaǥi sikandan te, “Hendini kew en, su edtekezeg kiw ziyà te vuntud te Nengazen, diyà te valey te Megbevayà ni Jacob. Su ebpenuruen kiw zin te menge paaǥi zin su wey tew metuman heini.” Umbe, ed-ulì is menge etew he ebpuun diyà te Zion, he iyan is inged he Jerusalem, ne ed-uwiten dan is kesuǥuan te Nengazen.

Isaias 56:3

Is kenà menge Israilihanen he mibpeveyveyaan dan is untung dan te Nengazen, kenà ereg he ed-isip he kenà sikandan idtampu te Nengazen te menge etew zin. Ne is menge etew he migkapun ne kenà daan ereg he ed-isipen he tenged te kenà sikandan ebpekaanak, kenà sikandan egkehimu he zuma te menge etew te Megbevayà.

Isaias 56:6

“Edtuvazan ku zaan is kenà menge Israilihanen he insarig dan kediey is untung dan su edsilbiyan e zan, ebmahalen e zan, wey ed-ezapen e zan, ne edtumanen dan is menge ibpetuman ku zutun te Andew te Kedhimeley, wey edtumanen dan is kebpekid-uyun ku.

Ezekiel 16:61

Ne egketenuzan nu ke hengkey is betasan nu zengan ne egkeeled ka, lavew en ke edhimuwen ku he menge anak nu is menge suled nu he vahi, he iyan is Samaria wey Sodom, minsan kenà heini ragkes te paaǥi ku te kebpekid-uyun kenikew.

Zacarias 8:23

Dutun he timpu, sepulù he etew he ebpuun diyà te nekedseselekawà he menge nasyun wey kineǥiyan is edhendiyà te sevaha he Judio he egkaǥi te, ‘Ipezuma key kenikew, su nezineg dey he nekiduma keniyu is Megbevayà.’ ”

Numero 15:15

Sikiyu is menge Israilihanen wey kenà menge Israilihanen he mid-ubpà duma keniyu ne neked-iring dà kayi te etuvangan ku, ne neked-iring dà he kesuǥuan is edtumanen niw. Heini he sulunuzen kinahanglan he tumana niw taman te huziyan he lapis te menge kevuwazan.

Deuteronomio 5:3

Wazè din heini himuwa ziyà te menge kepuun tew, kekenà, diyà te kenitew te langun he uuyag pa ǥuntaan.

Josue 9:15

Ne mibpekid-uyun si Josue kandan he kenè din sikandan edhilevetan wey ebpenhimetayan. Ne nenangdù is menge pengulu te Israel mehitenged kayi.

Zatù 11:40

he kada tuig, edlalew seled te heepat he andew is menge raǥa para te anak ni Jefta.

1 Samuel 30:25

Mibeelan haazà ni David he meupiya he edsunuzen te menge Israilihanen puun dutun taman guntaan.